12.08.2026 | 12:41
Ալիևը հայտարարել է, թե Նախիջևանի հետ ցամաքային կապն Ադրբեջանի «վաղեմի երազանքն» է
Գերմանիան կարող է Ուկրաինային հեռահար զենք տրամադրել
Քաղաքականություն
20.02.2024 | 23:17
Գերմանիայի իշխող կոալիցիան գաղտնի առաջարկ է պատրաստել Ուկրաինային ավելի շատ զինամթերք, տրանսպորտային միջոցներ և սպառազինության համակարգեր մատակարարելու վերաբերյալ։ Փաթեթը կարող է ներառել հեռահար Taurus թեւավոր հրթիռներ, հայտնել է Bild-ը:
Ենթադրվում է, որ Բունդեսթագը պատրաստվում է այս շաբաթ քվեարկել օգնության այս փաթեթի վերաբերյալ։
«Գերմանիայի կառավարությունը, ամենայն հավանականությամբ, ծրագրում է «Տավրուս» հրթիռներ փոխանցել Ուկրաինային»,- ասվում է հաղորդագրության մեջ։
Սրա հետ մեկտեղ, Taurus հրթիռները, որոնք երկար ժամանակ է՝ խնդրում է Կիևը, այս նախագծում անմիջականորեն չեն նշվում, սակայն դրանում ասվում է «հավելյալ հեռահար սպառազինության համակարգերի և զինամթերքի մատակարարման մասին, որոնք անհրաժեշտ են Ուկրաինային հնարավորություն տալու թիրախային հարձակումներ իրականացնել ռազմավարական թիրախների վրա, որոնք գտնվում են առաջնագծից հեռու»:
Taurus հրթիռները համապատասխանում են այս նկարագրությանը, քանի որ դրանք կարող են հասնել ավելի քան 500 կիլոմետր հեռավորության վրա գտնվող թիրախներին: Ֆրանսիան և Մեծ Բրիտանիան արդեն մատակարարել են Ուկրաինային իրենց Scalp և Storm Shadow թեւավոր հրթիռները, սակայն դրանք համարվում են ոչ այնքան արդյունավետ, որքան Taurus-ը:
