01.05.2026 | 12:08
ԵԽ-ի բանաձևում Արցախի հիշատակման պատճառով Բաքվում ԵՄ դեսպանն Ադրբեջանի ԱԳՆ է կանչվել․ բողոքի նոտա է հանձնվել
ՌԴ-ում կարող են հայտնվել ավտոմեքենաներ Ուգանդայից, Իրանից և Հնդկաստանից
Քաղաքականություն
19.02.2024 | 23:16
Ռուսաստանի ավտոշուկայում կարող են հայտնվել ավտոմեքենաների նոր ապրանքանիշեր, մասնավորապես, Ուգանդայից, Հնդկաստանից և Իրանից։ Այս մասին հայտնում է DW-ի ռուսական ծառայությունը՝ հղում անելով Ռուսաստանի Դաշնության Առևտրաարդյունաբերական պալատին։
Պալատի նախագահ Սերգեյ Կորիտինի խոսքով՝ Ուկրաինայում պատերազմի սկսվելուց հետո Ռուսաստանի դեմ սահմանված պատժամիջոցների մեծացման ֆոնին նոր ավտոմոբիլային ապրանքանիշերը կարող են տեղ գրավել շուկայում։ Մասնավորապես, բյուջետային սեգմենտում պահանջարկ կարող են ունենալ հնդկական Tata Motors կոնցեռնի, ինչպես նաև իրանական Iran Khodro-ի և Saipa-ի մեքենաները։
Միաժամանակ, ստույգ տեղեկություն չկա այն մասին՝ արդյո՞ք հնդիկ արտադրողները պատրաստվում են ավտոմեքենաներ վաճառել ռուսական շուկայում։ Իսկ իրանական մեքենաներն արդեն հասանելի են Ռուսաստանում։ Մասնավորապես, Tara մակնիշի մեքենան Իրանի Khodro-ից կարելի է ձեռք բերել 1,5 միլիոն ռուբլով։
Ռուսական ավտոշուկա մուտք գործելու ցանկություն է հայտնել նաև Ուգանդան։ Ռուսաստանում երկրի դեսպան Մոզես Կիզիգեի խոսքով՝ Ուգանդան Աֆրիկայում առաջատար է էլեկտրամոբիլային արտադրության հարցում։
