07.10.2026 | 16:15
Գարեգին Երկրորդը իրավաբանների ու սահմանադրագետների հետ քննարկել է Եկեղեցու դեմ նախաձեռնությունները
Նավալնիի մարմինը չեն փոխանցում հարազատներին․ ավելի քան 46 հազար մարդ դիմում է ուղարկել Քննչական կոմիտե
Քաղաքականություն
19.02.2024 | 12:43
Երկու օրից էլ պակաս ժամանակահատվածում ավելի քան 46 հազար մարդ դիմումներ է ուղարկել Ռուսաստանի Դաշնության Քննչական կոմիտե՝ Ալեքսեյ Նավալնիի դին ընտանիքին վերադարձնելու պահանջով, գրում է Մեդուզան։
Հայտեր ուղարկելու համար օգտագործվում է «OVD-Info» իրավապաշտպան նախագծի «Դյատել» ծառայությունը, որը թույլ է տալիս մի քանի րոպեում ուղարկել դիմումները։ Լուրի հրապարակման պահին ուղարկվել է 46,965 հարցում։ «OVD-Info»-ն հայտեր ուղարկելու կոչ է արել փետրվարի 17-ի երեկոյան։
Փետրվարի 16-ին դաշնային քրեակատարողական ծառայությունը հայտնեց, որ ռուս ընդդիմադիր գործիչ Ալեքսեյ Նավալնին մահացել է Յամալո-Նենեց ինքնավար օկրուգի գաղութներից մեկում։
Փետրվարի 17-ի առավոտյան Նավալնիի մայրը ժամանել է Խարպի թիվ 3 ուղղիչ գաղութ և ստացել ծանուցում նրա մահվան մասին։ Գաղութի ղեկավարությունը հայտնել է, որ Նավալնիի մարմինը գտնվում է Սալեխարդի դիահերձարանում։ Երբ քաղաքական գործչի մայրը գնացել է այնտեղ, նրան ասել են, որ դիակը չկա։
Ավելի ուշ Նավալնիի մամուլի քարտուղար Կիրա Յարմիշը հայտնել է, որ Քննչական կոմիտեն հրաժարվել է մարմինը հանձնել հարազատներին, քանի դեռ ստուգումները չեն ավարտվել։
«Նովայա գազետա Եվրոպա»-ն, հղում անելով իր աղբյուրին, հայտնել է, որ Նավալնիի մարմինը գտնվում է Սալեխարդի շրջանի կլինիկական հիվանդանոցի դիահերձարանում։ Ըստ հրապարակման՝ քաղաքական գործչի մարմինը հիվանդանոց է տեղափոխվել փետրվարի 16-ի երեկոյան։ Փետրվարի 17-ի դրությամբ՝ դիահերձում չի կատարվել։
