12.08.2026 | 13:37
Նախագահը Մասիս Մելքոնյանին դատավոր նշանակելու հրամանագիրը չէր ստորագրել, բայց դա ձեզ հետաքրքիր չի. Վարդևանյան․ ՏԵՍԱՆՅՈՒԹ
ՆԱՏՕ-ի երկրներից շատերը կկատարեն պաշտպանական ծախսերի պլանը․ FT
Քաղաքականություն
14.02.2024 | 23:30
ՆԱՏՕ-ն պատրաստվում է հայտարարել, որ 31 անդամ երկրներից 18-ը կկատարեն այս տարի պաշտպանության ծախսերին իրենց ՀՆԱ-ի 2%-ը հատկացնելու պահանջը: Այս մասին հայտնել է Financial Times-ը՝ վկայակոչելով ՆԱՏՕ-ի շրջանակներից երեք պաշտոնական աղբյուրներ։
«ՆԱՏՕ-ն ակնկալում է, որ 2024 թվականին իր անդամների մոտ երկու երրորդը կհասնի 2 տոկոսի մակարդակին»,- ասել է պարբերականի զրուցակիցներից մեկը։
FT-ն ՆԱՏՕ-ի անդամ երկրներում պաշտպանական ծախսերի ավելացումը կապում է Ռուսաստանի կողմից նոր ագրեսիայի հետ կապված մտահոգությունների, ինչպես նաև Դոնալդ Թրամփի ԱՄՆ նախագահի պաշտոնում վերընտրվելու հեռանկարի հետ։
2016 թվականին ՆԱՏՕ-ի անդամ միայն հինգ երկրներ են կատարել պաշտպանության ծախսերը ՀՆԱ-ի 2%-ին հասցնելու պահանջը, հիշեցնում է թերթը։ Այսօր Լեհաստանն այդ կարիքների վրա ծախսում է ՀՆԱ-ի 3,9%-ը, ինչը նույնիսկ ավելին է, քան ԱՄՆ-ի 3,5% ցուցանիշը։
