08.10.2026 | 12:30
Ուկրաինական ԱԹՍ-ները հարվածել են Ռյազանում «Յանդեքս»-ի տվյալների կենտրոնին և Բաշկորտոստանում նավթավերամշակման գործարանին
Արգենտինայի 14 նահանգներում դենգեի տենդի հազարավոր դեպքեր են գրանցվել․ մարդկային կորուստներ կան
Քաղաքականություն
13.02.2024 | 22:40
Արգենտինայում վտանգավոր դենգե տենդի ավելի քան 39,5 հազար դեպք է գրանցվել երկրի 24 նահանգներից 14-ում, որոնցից 29-ը՝ մահացու ելքով։ Այս մասին հայտնում է Xinhua-ն՝ հղում անելով Արգենտինայի առողջապահության նախարարությանը։
Նշվում է, որ տենդով հիվանդների մեծ մասը գտնվում է երկրի կենտրոնական և հյուսիս-արևելյան մարզերում, ինչպես նաև հյուսիս-արևմուտքում գտնվող հինգ նահանգներում:
Արգենտինայի առողջապահության նախարարության տվյալներով՝ տենդը շարունակում է արագորեն տարածվել։ Տասը օր առաջ՝ փետրվարի սկզբին, հանրապետությունում գրանցվել է 36,8 հազար դեպք, որից 1813-ը ներմուծվել է արտերկրից երկիր ժամանած անձանց կողմից։ Անցած տարվա օգոստոսի վերջից մինչև փետրվարի սկիզբ ամբողջ հանրապետությունում վիրուսի փոխանցման ցուցանիշը կազմել է 86 դեպք՝ 100 հազար բնակչի հաշվարկով։
Դենգե տենդը վիրուսային վարակ է, որը փոխանցվում է մարդկանց վարակված մոծակների խայթոցի միջոցով և տարածված է արևադարձային շրջաններում:
ԱՀԿ-ի տվյալներով՝ դենգե տենդով հիվանդ մարդկանց մեծամասնության մոտ ախտանիշներ չեն զարգանում, բայց զարգանալու դեպքում ներառում են բարձր ջերմություն, գլխացավ, մարմնի ցավ, սրտխառնոց և ցան:
