07.10.2026 | 13:45
Հայաստանի հետ փաստացի խաղաղությունը դեռ չի նշանակում խաղաղության գործընթացի ավարտ․ Ալիևի ներկայացուցիչ
Financial Times-ը` 1950թ. գործող բանկիրների գաղտնի ակումբի մասին, որը գլոբալ քաղաքականության ձևավորման հարցեր է քննարկում
Քաղաքականություն
12.02.2024 | 23:30
Եվրոպայում մի քանի տասնամյակ է՝ գործում է խոշոր ֆինանսիստների և բանկիրների գաղտնի ակումբ, որտեղ հանդիպումներ են անցկացվում տարբեր երկրների ղեկավարների և կենտրոնական բանկերի նախագահների հետ, հայտնում է բրիտանական Financial Times պարբերականը։
Եվրոպայի խոշորագույն ֆինանսիստների և բանկիրների այս ակումբի վերջին հանդիպումը, ըստ FT-ի տեղեկությունների, տեղի է ունեցել Ցյուրիխի Dolder Grand հյուրանոցում՝ 2023 թվականի հոկտեմբերին։
Միջոցառումը տևել է երեք օր, որին մասնակցել են Շվեյցարիայի ֆինանսների նախարար Կարին Քելեր-Սուտերն ու երկրի Կենտրոնական բանկի ղեկավար Թոմաս Ջորդանը։ FT-ն պնդում է, որ հանդիպմանը քննարկվել է շվեյցարական Credit Suisse բանկի փլուզումը, UBS-ի հետ 2023 թվականի գարնանը միաձուլումը, «մի շարք այլ հարցեր»:
Բանկիրների և պաշտոնյաների փակ ակումբը, ըստ լրագրողների, ստեղծվել է Բանկային հետազոտությունների միջազգային ինստիտուտի (IIEB) հովանու ներքո 1950 թվականին Փարիզում։ Ակումբի հանդիպումների ժամանակ Եվրոպայի խոշորագույն բանկերի ղեկավարները կարող են կուլիսներում քննարկել միաձուլումների և ձեռքբերումների, ինչպես նաև գլոբալ քաղաքականության ձևավորման հարցը։ Միջոցառումները, որպես կանոն, անցկացվում են շքեղ հյուրանոցներում և պալատներում՝ գաղտնի եղանակով. արգելվում է ակումբի հանդիպումների աուդիո և վիդեո ձայնագրությունը, ինչպես նաև գաղտնի է պահվում հանդիպումների ժամանակացույցն ու դրանց մասնակիցների ամբողջական կազմը։
