Բաքվում ԵՄ դեսպանը կանչվել է Ադրբեջանի ԱԳՆ․ ՀՀ-ում ԵՄ դիտորդական առաքելության դեմ արշավը շարունակվում է

Լուրեր

16.09.2024 | 23:29
Թուրքիայի իշխանությունները 2007-2023թթ․ շուրջ մեկ միլիոն կայք են արգելափակել
16.09.2024 | 23:14
Էստոնացին Բոսֆորի նեղուցով ճոպանով Ասիայից անցել է Եվրոպա․ ԼՈՒՍԱՆԿԱՐՆԵՐ
16.09.2024 | 22:59
Շվեդիան կղեկավարի ՆԱՏՕ-ի ռազմաբազան Ֆինլանդիայում
16.09.2024 | 22:44
ՌԴ Քննչական կոմիտեն նոր գործ է հարուցել ՊՆ պաշտոնյաների դեմ
16.09.2024 | 22:28
Էրդողանի ելույթի ժամանակ բողոքի ակցիա է անցկացվել․ միջամտել են անվտանգության աշխատակիցները
16.09.2024 | 22:16
Կուրսկի մարզում Ռիլսկի և Խոմուտովսկի շրջանների սահմանամերձ բնակավայրերի պարտադիր տարհանում է հայտարարվել
16.09.2024 | 21:58
Միջազգային փորձագետի հետ քննարկվել են ՆԳՆ կրթահամալիրի ձևավորման և կրթության բովանդակային վերափոխմանն առնչվող ինստիտուցիոնալ հարցեր
16.09.2024 | 21:42
Թյուրքական պետությունների կազմակերպության երկրների նախարարներն էներգետիկ համագործակցության ծրագրեր են քննարկել
16.09.2024 | 21:34
Դանիան մինչև տարեվերջ Ուկրաինային կփոխանցի F-16 կործանիչների ևս մեկ խմբաքանակ
16.09.2024 | 21:25
Հայաստանում առաջին անգամ կանցկացվի սիմֆոնիկ նվագախմբերի միջազգային փառատոն
16.09.2024 | 21:13
Ալիևը Բլինքենի հետ զրույցում բողոքել է ՀՀ Սահմանադրությունից ու ԵԱՀԿ Մինսկի խմբից
16.09.2024 | 21:03
ԱՄՆ-ն զսպում է Ադրբեջանի հարձակումը, բայց չի պատժում․ Հարիսի վարչակազմը չի խուսափի դա անել․ Ներսես Կոպալյան․ ՏԵՍԱՆՅՈՒԹ
16.09.2024 | 20:50
Պուտինը պատերազմի մեկնարկից ի վեր երրորդ անգամ ավելացրել է բանակի անձնակազմի թիվը
16.09.2024 | 20:37
Վթարային ջրանջատում Շիրակի մարզում
16.09.2024 | 20:30
«Երեխայի գանգը չորս տեղից կոտրված էր»․ արդյո՞ք մամայի գիրկն ամենաապահով տեղն է. ՏԵՍԱՆՅՈՒԹ
Բոլորը

Ադրբեջանում ԵՄ դեսպան Պետեր Միխալկոն այսօր կանչվել է երկրի ԱԳՆ։ Ըստ Բաքվի՝ հանդիպման ընթացքում ևս մեկ անգամ նշվել է, որ Հայաստանում ԵՄ դիտորդական առաքելության գործունեությունը, հակառակ ձեռք բերված նախնական պայմանավորվածությունների, լուրջ մտահոգություն է առաջացրել։

Նշվել է, որ  առաքելությունը, իբր, «լայնորեն օգտագործվել է որպես Ադրբեջանի դեմ քարոզչության միջոց՝ հակառակ տարածաշրջանային կայունության և Ադրբեջանի ու Հայաստանի միջև վստահության ամրապնդմանը նպաստելու հայտարարված նպատակների»։

«Եվրամիության կողմի ուշադրությունն է հրավիրվել, որ առաքելությունը փաստացի դարձել է «հեռադիտակային դիվանագիտության» օբյեկտ, որը նպաստում է սահմանամերձ շրջաններ տարբեր եվրոպացի պաշտոնյաների և ոչ պաշտոնական պատվիրակությունների այցերի կազմակերպմանը։ Առանց բացառության նշվել է, որ բոլոր նման այցերն օգտագործվում են Ադրբեջանի դեմ ատելություն տարածելու, ինչպես նաև անհիմն ադրբեջանատյացություն ընդլայնելու համար։ «Հեռադիտակային դիվանագիտության» այս ակտիվությունը նկատվում է այն ժամանակ, երբ սահմանին աննախադեպ անդորր է, երբ և՛ Ադրբեջանը, և՛ Հայաստանը վստահության ամրապնդման լուրջ միջոցառումներ են իրականացնում»,- դժգոհել է Ադրբեջանի ԱԳՆ-ն։

Նշվում է, որ  վերջին միջադեպը (խոսքը Չեխիայի քաղաքացու կողմից սահմանի հատման մասին է)՝ կապված այն շրջանների հետ, որոնց համար պատասխանատու է դիտորդական առաքելությունը, «լուրջ ստվեր է գցում այս առաքելության հայտարարված նպատակների վրա»։

«Նման անհանգստացնող գործունեությունը ոչ մի կերպ չի համապատասխանում առաքելության հայտարարած նպատակներին՝ խթանել վստահությունը որպես չեզոք սուբյեկտ: ԵՄ-ի կողմին առաջարկվել է լրջորեն քննարկել այն հարցերը, որ անհրաժեշտ է ձեռնարկել բոլոր միջոցները՝ ապահովելու համար, որ Հայաստանի տարածքում տեղակայված առաքելությունը գործի որպես չեզոք, քաղաքացիական և անզեն առաքելություն՝ համաձայն իր հայտարարած մանդատի, ինչպես նաև ձեռնպահ մնա Ադրբեջանի ինքնիշխանության և տարածքային ամբողջականության դեմ ուղղված ցանկացած գործունեությունից»,- ասվում է Ադրբեջանի ԱԳՆ հայտարարության մեջ։

Հիշեցնենք՝ Պետեր Միխալկոն օրերս անդրադարձել էր ԵՄ առաքելության դեմ Բաքվում իրականացվող արշավին։

«Ափսոսում եմ, որ վերջին օրերին ադրբեջանական որոշ լրատվամիջոցներ բացարձակապես անհիմն մեղադրանքներ են հրապարակել Հայաստանում ԵՄ առաքելության հասցեին։ Ես ընդգծում եմ, որ EUMA-ն քաղաքացիական, անզեն առաքելություն է, և նրա մանդատը դիտորդական առաքելությունն է»,- գրել էր Միխալկոն X-ի իր էջում։

Ըստ դիվանագետի՝ առաքելության ներկայությունը նպատակ ունի նպաստել կայունության և վստահության ամրապնդմանը:

«ԵՄ-ն կշարունակի իր ջանքերը՝ աջակցելու Ադրբեջանի և Հայաստանի միջև խաղաղ կարգավորմանը»,- հավելել էր ԵՄ պատվիրակության ղեկավարը։

Էմմա Չոբանյան