14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՌԴ-ն աշխարհին կառաջարկի առևտուր իրականացնել «թվային ակտիվներով»` չինական և թուրքական բանկերի կողմից վճարումներից հրաժարվելուց հետո
Քաղաքականություն
08.02.2024 | 22:38
Ռուսաստանի իշխանությունները կարող են թույլատրել հացահատիկի կամ ոսկու հետ կապված թվային ֆինանսական ակտիվների օգտագործումը միջազգային վճարումներում՝ լուծելու «բարեկամ» երկրների բանկերի խնդիրը, որոնք հրաժարվում են աշխատել Ռուսաստանի հետ: Պետդուման ծրագրում է մոտ ապագայում համապատասխան օրինագիծ ընդունել, «Իզվեստիա»-ին ասել է Ստորին պալատի ֆինանսական շուկայի հանձնաժողովի ղեկավար Անատոլի Ակսակովը։
Նրա խոսքով՝ թվային ակտիվներում հաշվարկները կարող են օգտակար լինել այն դեպքերում, երբ օտարերկրյա բանկերը ցանկանում են ռուսական կողմի հետ համագործակցությունն ամբողջովին անտեսանելի դարձնել ԱՄՆ ֆինանսական իշխանությունների համար։ Դրա համար անհրաժեշտ է բացառել վճարումները ոչ միայն SWIFT-ի, այլ նաև ռուսական SPFS-ի և չինական CIPS-ի միջոցով, քանի որ նման գործարքներն արտացոլված են հաշվետվության մեջ, պարզաբանել է Ակսակովը։
Թվային ակտիվները միջնաժամկետ հեռանկարում կդառնան ֆինանսական հաղորդագրությունների փոխանցման համակարգերի այլընտրանք, նշել է Վճարային ծառայությունների շուկայի «Ազգային վճարային խորհուրդի» ասոցիացիայի նախագահ Ալեքսանդր Լիննիկովը:
