12.08.2026 | 12:41
Ալիևը հայտարարել է, թե Նախիջևանի հետ ցամաքային կապն Ադրբեջանի «վաղեմի երազանքն» է
Բլինքենն Իսրայելի և ՀԱՄԱՍ-ի միջև արագ համաձայնության հասնելու հույս է հայտնել
Քաղաքականություն
08.02.2024 | 12:44
ԱՄՆ-ից, Կատարից ու Եգիպտոսից միջնորդները փորձում են արագ պայմանավորվել Իսրայելի ու ՀԱՄԱՍ-ի միջև հրադադարի շուրջ։ Ներկայում Մերձավոր Արևելքում գտնվող ԱՄՆ-ի գլխավոր դիվանագետ Էնթոնի Բլինքենը հնարավոր համաձայնության հասնելու հույս է հայտնել, գրում է VOA-ն։
Պետքարտուղարն ասել է, որ տեսնում է բանակցությունների հնարավորություններ։ ՀԱՄԱՍ-ի պատվիրակությունը՝ Խալիլ ալ-Հայայի գլխավորությամբ, պետք է հինգշաբթի մեկներ Կահիրե՝ Եգիպտոսի և Կատարի միջնորդությամբ հրադադարի շուրջ բանակցությունների համար:
Միաժամանակ, հաղորդվում է, որ Իսրայելի վարչապետ Բենիամին Նեթանյահուն չորեքշաբթի մերժել է ՀԱՄԱՍ-ի վերջին առաջարկը՝ այն անվանելով «խելագար»։ ՀԱՄԱՍ-ը պաղեստինյան զինված խմբավորումներին կոչ է արել շարունակել պայքարը։
«Ակնհայտ է, որ անընդունելի կետեր կան (ՀԱՄԱՍ-ի) առաջարկում։ Բայց մենք նաև հնարավորություններ ենք տեսնում այն բանում, ինչ առաջարկվել է ի պատասխան բանակցությունները շարունակելուն՝ տեսնելու, թե արդյո՞ք մենք կարող ենք համաձայնության հասնել: Դա այն է, ինչ մենք մտադիր ենք անել»,- ասել է Բլինքենը Թել Ավիվում մամուլի ասուլիսի ժամանակ՝ չհստակեցնելով, թե որ կետերին է նա ակնարկում:
