14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ոստիկանության գլխավոր խմբի պաշտոն զբաղեցնող անձը հափշտակել է 8 հազար լիտր բենզին
Հասարակություն
06.02.2024 | 22:43
ՆԳՆ ներքին անվտանգության և հակակոռուպցիոն վարչության իրականացրած օպերատիվ-հետախուզական միջոցառումներով և ծառայողական քննությամբ պարզվել է, որ ոստիկանության գլխավոր խմբի պաշտոն զբաղեցնող անձը, իր ղեկավարած ստորաբաժանման ծառայողական մեքենաներն այս տարվա հունվարին շահագործելու համար, դեկտեմբերի 28-ին ավտոտնտեսությունից ստացել է 8 հազար լիտր բենզինի կտրոններ, որոնք, սակայն, հունվարի 9-ի դրությամբ նրա մոտ արդեն առկա չէին: Այս մասին տեղեկացնում են ՀՀ ՆԳՆ-ից:
«Նա պարզաբանել է, իբր՝ կտրոնները պարտքի դիմաց վերադարձրել է Երևանի տարբեր բենզակայաններին, ինչը, սակայն, հերքվել է ծառայողական քննությամբ:
Այսպիսով, պաշտոնատար անձը, օգտագործելով իշխանական կամ ծառայողական լիազորությունները կամ դրանցով պայմանավորված ազդեցությունը, հափշտակել է իր տնօրինմանը հանձնած բենզինը:
Կազմված փաստաթղթերն ուղարկվել են գլխավոր դատախազություն՝ հետագա ընթացքը որոշելու համար:
ՆԳՆ ստրաբաժանումների ինքնամաքրման գործընթացը շարունակվում է»,- ասված է հաղորդագրության մեջ:
