01.05.2026 | 12:08
ԵԽ-ի բանաձևում Արցախի հիշատակման պատճառով Բաքվում ԵՄ դեսպանն Ադրբեջանի ԱԳՆ է կանչվել․ բողոքի նոտա է հանձնվել
Բորելը ժամանել է Կիև
Քաղաքականություն
06.02.2024 | 12:30
Եվրոպական դիվանագիտության ղեկավար Ժոզեպ Բորելը Լեհաստան կատարած այցից հետո ժամանել է Կիև։ Այս մասին հայտնել է Ուկրաինայի Գերագույն ռադայի պատգամավոր Ալեքսեյ Գոնչարենկոն։ Նա նաև հայտարարել է Ռիգայի քաղաքապետ Վիլնիս Կիրսիսի և նրա տեղակալ Լինդա Օզոլայի՝ Ուկրաինայի մայրաքաղաք ժամանելու մասին, փոխանցում է Euronews-ը։
Երեկ Վարշավայում Եվրամիության արտաքին և անվտանգության քաղաքականության գերագույն ներկայացուցիչը հայտարարել էր Ուկրաինա այցի մասին, սակայն մանրամասներ չէր հայտնել։ «Ես Կիևի ճանապարհին եմ», – ասել էր Բորելը Վարշավայում լրագրողներին:
Հիշեցնենք, որ երկուշաբթի առավոտյան Եվրախորհրդարանն ու ԵՄ Խորհուրդը նախնական համաձայնության էին եկել Ուկրաինայի վերակառուցման, վերականգնան, ինչպես նաև ԵՄ անդամակցության ճանապարհին բարեփոխումներ իրականացնելու երկրի ջանքերին աջակցելու համար նոր հատուկ գործիք ստեղծելու շուրջ։
Բելգիայի ֆինանսների նախարար Վինսենթ վան Պետեգեմը հայտարարել է, որ 50 միլիարդ եվրոյի հիմնադրամը կմիավորի Ուկրաինային եվրոպական աջակցությունը մեկ գործիքի մեջ՝ թույլ տալով հետևողական, կանխատեսելի և ճկուն աջակցություն մինչև 2027 թվականը:
