15.11.2024 | 20:20
Աբխազիայում բանակցություններ են սկսվել իշխանությունների և ընդդիմության միջև
Ջերմուկի ոստիկանները բացահայտել են ապօրինի որսի դեպք
Հասարակություն
02.02.2024 | 22:15
Ջերմուկի համայնքային ոստիկանները հերթական կանխարգելիչ միջոցառման` ստուգայց-շրջագայության ընթացքում փետրվարի 2-ին, գիշերվա ժամը 1.30-ի սահմաններում, Ջերմուկի «Մայրաց» թաղամասում կանգնեցրել են «Լեքսուս» մակնիշի մի ավտոմեքենա: Մեքենան վարում էր Վայք քաղաքի 57-ամյա մի բնակիչ: Ստուգմամբ մեքենայի տեսանելի տեղում նկատվել է որսած չորս նապաստակ, որից երկուսը` ամբողջական․ տեղեկացնում են ՆԳՆ ոստիկանությունից։
Ըստ վարորդի, որն ունի որսորդական վկայական, ինքն առանց համապատասխան թույլտվության, «Մայրաց» թաղամասում մոտ երկու ժամ առաջ որսացել է չորս վայրի նապաստակ և երկուսի միսն արդեն օգտագործել է:
Կազմված փաստաթղթերն ուղարկվել են Վայոց ձորի մարզի բնապահպանության և ընդերքի տեսչական մարմին:
