24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
ԱՄՆ-ը Հորդանանում ամերիկացի զինվորականների սպանության մեջ մեղադրել է «Իրաքի իսլամական դիմադրությանը»
Քաղաքականություն
01.02.2024 | 22:24
Միացյալ Նահանգները կարծում է, որ անօդաչու թռչող սարքի հարձակումը, որի հետևանքով Հորդանանում երեք ամերիկացի զինծառայող է զոհվել, իրականացվել է «Իրաքի իսլամական դիմադրության» կողմից:
Այն Իրանի կողմից աջակցվող աշխարհազորայինների շարժում է, որը ներառում է «Քաթայբ Հեզբոլլահ» զինյալ խմբավորումը:
Այնուամենայնիվ, Պետդեպարտամենտը և Սպիտակ տունը հասկացրել են, որ ԱՄՆ-ը չի ցանկանում հակամարտություն Իրանի հետ:
Սպիտակ տան Ազգային անվտանգության խորհրդի խոսնակ Ջոն Քիրբին ասել է, որ Միացյալ Նահանգները կարծում է, որ Իրաքի իսլամական դիմադրությունը» ծրագրել, ռեսուրսներ է տրամադրել և նպաստել է հարձակմանը։
«Հետախուզական համայնքը եկել է այն եզրակացության, որ «Իրաքի իսլամական դիմադրություն» խմբավորումը պատասխանատու է այս հարձակման համար: Ինչպես գիտեք, կան մի քանի կազմակերպություններ, որոնք գործում են այս անվան տակ»,- VOA-ին ասել է Քիրբին:
Նրա խոսքով՝ ԱՄՆ նախագահ Ջո Բայդենը «կարծում է, որ կարևոր է դրան պատշաճ կերպով արձագանքելը»։
Պետքարտուղարության խոսնակ Մեթյու Միլլերն էլ ասել է, որ Հորդանանում տեղի ունեցած հարձակմանը ԱՄՆ պատասխանը «էսկալացիոն չի լինի»։
