12.08.2026 | 12:50
«Օլիմպիակոսն» առաջարկ է արել Նաիր Թիկնիզյանի տրանսֆերի վերաբերյալ. աղբյուր
ԵՄ-ն մինչև մարտ Ուկրաինա կմատակարարի ընդամենը 600 հազար արկ 1 մլն-ի փոխարեն. Bloomberg
Քաղաքականություն
31.01.2024 | 21:29
Ըստ Bloomberg-ի՝ Եվրամիությունը, սեփական պաշարների սպառման հետ կապված մտահոգությունների պատճառով, մինչև մարտի 1-ը կկարողանա Ուկրաինային տրամադրել ընդամենը 600 հազար արկ, այլ ոչ թե 1 միլիոն, ինչպես նախապես ծրագրված էր։
ԵՄ պաշտպանության նախարարներն այս շաբաթ Բրյուսելում կայանալիք հանդիպմանը կփորձեն հնարավորություն գտնել Ուկրաինայի համար զինամթերքի քանակն ավելացնելու համար, սակայն անցյալ տարի սահմանված 1 միլիոն արկ մատակարարեու նպատակը դեռ չի իրականացվել, հայտնում է գործակալությունը՝ վկայակոչելով իր եվրոպական դիվանագիտական աղբյուրներին։
Կիևը չունի բավականաչափ հրետանային արկեր և հակաօդային պաշտպանության հրթիռներ՝ իր քաղաքները ռուսական հարձակումներից պաշտպանելու համար։ Ուկրաինացի պաշտոնյաները թեև ասում են, որ ռուսական բանակի դեմ պայքարը կշարունակվի, սակայն ճակատից ստացված հաղորդագրությունները ցույց են տալիս, որ իրավիճակը գնալով ավելի ու ավելի սարսափելի է դառնում, և ուկրաինական զորքերը դժվարանում են զսպել ռուսական ստորաբաժանումները, նշում է Bloomberg-ը:
Կիևի և ուկրաինական այլ քաղաքների վրա ռուսական վերջին հրթիռային հարձակումների հետևանքով տասնյակ մարդիկ են զոհվել, քանի որ ուկրաինական հակաօդային պաշտպանությունը, որը մեծապես հենվում է իր դաշնակիցների մատակարարումների վրա, չի կարողանում ոչնչացնել այնքան հրթիռ, որքան նախկինում, գրում է գործակալությունը։
