22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Պակիստանի նախկին վարչապետ Իմրան Խանը ևս 14 տարվա ազատազրկման է դատապարտվել․ նույն ժամկետով դատապարտվել է նաև կինը
Քաղաքականություն
31.01.2024 | 22:45
Պակիստանի դատարանը կոռուպցիոն գործով 14 տարվա ազատազրկման է դատապարտել երկրի նախկին վարչապետ, «Թեհրիք-ի-Ինսաֆ» կուսակցության հիմնադիր Իմրան Խանին և նրա կնոջը՝ Բուշրա Բիբիին։ Այս մասին հայտնում է Dawn թերթը, որին վկայակոչում է currenttime.tv-ն։
Խանին ու նրա կնոջը 10 տարով արգելվել է պետական պաշտոններ զբաղեցնել և նրանք տուգանվել են յուրաքանչյուրը 787 միլիոն ռուփիով (9,4 միլիոն դոլար): Այս գործը կապված է պետական Թոշախանա գանձարանում պահվող թանկարժեք իրերի վաճառքի հետ։
Հիշեցնենք, որ նախօրեին Իմրան Խանը , ինչպես նաև երկրի նախկին ԱԳ նախկին նախարար Շահ Մահմուդ Քուրեշին 10 տարվա ազատազրկման էին դատապարտվել պետական գաղտնիքի բացահայտման գործով։Այս դատավճիռները կայացվել են փետրվարի 8-ին նշանակված համընդհանուր ընտրություններից մեկ շաբաթ առաջ։
