07.10.2026 | 16:58
Ալիևը զանգահարել է Պուտինին
Սանկտ Պետերբուրգում ԱԹՍ է ընկել
Քաղաքականություն
31.01.2024 | 12:57
Գիշերը Սանկտ Պետերբուրգի «Նևսկի մազուտ» գործարանի տարածքում անօդաչու թռչող սարք է ընկել հակաօդային պաշտպանության համակարգերի կողմից խոցվելուց հետո։ Այս մասին հայտնում է Meduza-ն՝ հղում անելով տեղական տելեգրամյան ալիքներին։ Ըստ աղբյուրների՝ ԱԹՍ-ն խոցվել է C-400 զենիթահրթիռային համալիրով ժամը 4:20-ին։ Դրանից հետո անօդաչուն շարունակել է թռիչքը և միայն կես ժամ անց ընկել գործարանի տարածքում՝ Կոլպինոյից մոտ 20 կիլոմետր հեռավորության վրա։
«Նախնական տվյալներով՝ խոշոր հրդեհ չի բռնկվել, երեք դատարկ ցիստեռներում բռնկված կրակը արագ մարել են»,-գրում է լրատվամիջոցը։ ԱԹՍ-ի բեկորները վնասել են գործարանի տարածքում կայանված ավտոմեքենաները։ Նաև նշվում է, որ Պուլկովո օդանավակայանը դադարեցրել է թռիչքների ընդունումն ու մեկնումը ժամը 03:53-ից 05:11-ն ընկած ժամանակահատվածում։
ՌԴ ՊՆ-ն դեռ չի մեկնաբանել միջադեպը։ Առավոտյան ռուսական գերատեսչությունը հայտարարել էր, որ գիշերվա ընթացքում ՀՕՊ ուժերը Պսկովի մարզում մեկ անօդաչու թռչող սարք են խոցել։
