07.10.2026 | 13:41
Թոմաս Տուխելը ռեկորդ է գրանցել Անգլիայի հավաքականում
Իսրայելը և ՀԱՄԱՍ-ը մոտ են պատանդների փոխանակման շուրջ նոր համաձայնագրին․ Քիրբի
Քաղաքականություն
30.01.2024 | 14:06
Հազարավոր մարդիկ լքել են իրենց տները Գազայի հատվածի արևմտյան հատվածում՝ տեղափոխվելով դեպի ավելի ապահով տարածքներ՝ երկուշաբթի օրը Իսրայելի պաշտպանության բանակի նախազգուշացումից հետո: Իսրայելի կողմից հոկտեմբերի 7-ին ՀԱՄԱՍ-ի հարձակմանն ի պատասխան սկսված «Երկաթե սրեր» գործողությունը շարունակվում է։ Իսրայելի պաշտպանության բանակի պաշտոնյաներն ասում են, որ զինյալները թաքնվում են հիվանդանոցներում և դպրոցներում՝ դժվարացնելով գործողությունները և վտանգի տակ դնելով քաղաքացիական անձանց կյանքը:
ԱՄՆ պետքարտուղար Էնթոնի Բլինքենը, մեկնաբանելով Գազայում Իսրայելի գործողությունը, Կարմիր ծովում հութիների կողմից նավերի հրթիռակոծումը և տարածաշրջանում ԱՄՆ ռազմակայանների վրա հարձակումները, Մերձավոր Արևելքում իրավիճակն ամենադժվարն է անվանել վերջին 50 տարվա ընթացքում, փոխանցում է Euronews-ը։
Սպիտակ տան խոսնակ Ջոն Քիրբիի խոսքով՝ Իսրայելը և ՀԱՄԱՍ-ն «էականորեն մոտ են պատանդների ազատ արձակման նոր գործարքին», սակայն, այլ աղբյուրների համաձայն, զինյալները մերժել են Փարիզում բանակցությունների ժամանակ ձեռք բերված պայմանավորվածությունները և պահանջում են հրադադար ու իսրայելական բանակի դուրսբերում Գազայից։
Al-Arabiya հեռուստաալիքի փոխանցմամբ՝ համաձայնագրի կնքման դեպքում ՀԱՄԱՍ-ը պատրաստ է ամեն օր ազատ արձակել մեկ իսրայելցի պատանդի՝ հրեական պետության բանտերում պահվող 30 պաղեստինցիների դիմաց։
