17.12.2025 | 12:45
Ավինյանի անունը հանել եմ, նույնաբովանդակ հաղորդում ներկայացրել, քրեական վարույթ է հարուցվել․ Չախոյան․ ՏԵՍԱՆՅՈՒԹ
ԱՄՆ Սենատի արտաքին հարաբերությունների հանձնաժողովի նախագահը Բաքվին կոչ է արել վերջ տալ քաղաքական հետապնդումներին
Քաղաքականություն
30.01.2024 | 16:15
ԱՄՆ Սենատի արտաքին հարաբերությունների հանձնաժողովի նախագահ Բեն Քարդինն Ադրբեջանի իշխանություններին կոչ է արել դադարեցնել իր քննադատների ու ընդդիմադիրների քաղաքական հետապնդումները։
«Ադրբեջանում լրագրողների վրա հարձակումները, ընդդիմադիրների ապօրինի ձերբակալությունները հակաժողովրդավարական մարտավարություն է: Բաքուն պետք է ազատ արձակի քաղաքական բանտարկյալներին ու դադարեցնի հետապնդումները՝ COP29-ին ընդառաջ միջազգային հանրության մաս դառնալու համար»,- գրել է սենատոր Քարդինը X-ում։
Նշենք, որ 2023 թվականի նոյեմբերի վերջից Ադրբեջանի իշխանությունները բռնաճնշումների նոր ալիք են սկսել անկախ և ընդդիմադիր լրագրողների, ընդդիմադիր քաղաքական ու հասարակական գործիչների նկատմամբ։ Վերջին կալանավորվածներից է բլոգեր, ակտիվիստ Արզու Սայադօղլուն, որը սուր քննադատության էր ենթարկել Ադրբեջանի իշխանություններին և քաղաքացիներին հակակառավարական ցույցերի դուրս գալու կոչեր արել։
Էմմա Չոբանյան
