12.08.2026 | 17:08
Թուրքիայում վերականգնվում է Քառասուն մանուկ հայկական եկեղեցին
Ուկրաինական թունելի վերջում լույս չի երևում․ Բորել
Քաղաքականություն
29.01.2024 | 17:05
ԵՄ արտաքին քաղաքականության ծառայության ղեկավար Ժոզեպ Բորելը հայտարարել է, որ «ուկրաինական թունելի վերջում լույս չի երևում»։ Այս մասին նա հայտարարել է ԵՄ-Կենտրոնական Ասիա տրանսպորտի ներդրումային ֆորումում ելույթ ունենալիս, փոխանցում է strana․ua-ն։
«Պատերազմը շարունակվում է, իսկ մարտերը միայն սրվում են, և մենք լույս չենք տեսնում ուկրաինական թունելի վերջում»,- ասել է Բորելը:
Նրա խոսքով՝ եվրոպական պատժամիջոցները «զգալիորեն թուլացրել են ռուսական ռազմական մեքենան, բայց այն դեռ կա»։
Հիշեցնենք, որ անցյալ շաբաթ եվրոպացի պաշտոնյան ասել էր, որ ԵՄ 27 երկրների արտաքին գործերի նախարարները համաձայնել են, որ Ուկրաինային աջակցությունը պետք է մեծացնել և արագացնել:
Ըստ Bloomberg-ի աղբյուրների՝ նախարարները նաև «քաղաքական համաձայնություն» են տվել ռուսական սառեցված ակտիվներից ստացված շահույթի հարկ մտցնելու համար։ Ուկրաինայի դաշնակիցները համաձայնել են, որ Ռուսաստանը պետք է վնասի համար վճարի, պարզաբանել է գործակալությունը։
