24.06.2026 | 20:24
Անկարայում ՆԱՏՕ-ի գագաթնաժողովից առաջ ԻԼԻՊ-ի հետ կապված կասկածյալ է սպանվել
Շոլցն ակնկալում է՝ ԵՄ գործընկերներն ավելի շատ օգնություն կցուցաբերեն Ուկրաինային
Քաղաքականություն
28.01.2024 | 20:05
Գերմանիայի կանցլեր Օլաֆ Շոլցը ևս մեկ անգամ կոչ է արել եվրոպացի գործընկերներին ուժեղացնել ֆինանսական և ռազմական օգնությունն Ուկրաինային․ հաղորդում է DW-ն։
«ԱՄՆ Կոնգրեսի միջոցով Կիևին աջակցելու միջոցառումների նոր փաթեթի ընդունման ժամանակ առաջացած խնդիրների պատճառով Ուկրաինայի կողմնակիցներն այժմ գտնվում են շատ դժվար իրավիճակում»,- ասել է Շոլցը Եվրախորհրդարանի Սոցիալ-դեմոկրատական կուսակցության պատգամավորների հետ հանդիպման ժամանակ։
Նա հավելել է, որ Գերմանիայի կառավարությունն այս տարվա բյուջեով Ուկրաինայի համար արդեն հատկացրել է ավելի քան յոթ միլիարդ եվրո, ինչը ներկայումս կազմում է եվրոպական երկրների օգնության ընդհանուր գումարի կեսից ավելին։ Շոլցը նաև ակնկալում է, որ ԵՄ մնացած երկրները կմեծացնեն իրենց ներդրումը:
