17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Երևանին վերջին ազդանշանն ուղարկվել է օրեր առաջ․ Զախարովան՝ Միրզոյանի հայտարարությունների մասին. ՏԵՍԱՆՅՈՒԹ
Քաղաքականություն
26.01.2024 | 18:45
Մի քանի օր առաջ Մոսկվան Հայաստանի արտգործնախարար Արարատ Միրզոյանին ևս մեկ հրավեր է փոխանցել՝ այցելելու Ռուսաստանի Դաշնություն՝ քննարկելու Երևանի և Բաքվի միջև խաղաղության պայմանագիրը։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Արարատ Միրզոյանին Մոսկվայում խաղաղության պայմանագրի հարցերի շուրջ խորհրդակցությունների հրավեր է ուղարկվել՝ սկսած անցյալ տարվա սեպտեմբերից, ի թիվս այլոց, դա քննարկվել է տարբեր մակարդակներում երկկողմ շփումների ժամանակ, վերջին ազդանշանը Երևանին ուղարկվել է բառացիորեն մի քանի օր առաջ»,- նշել է ՌԴ ԱԳՆ պաշտոնական ներկայացուցիչը։
Նա նաև անդրադարձել է օրեր առաջ տեղի ունեցած ՀՀ ԱԳՆ ղեկավարի՝ ամփոփիչ ասուլիսի ժամանակ հնչեցրած հայտարարություններին։ Զախարովայի խոսով՝ «փորձ է արվում ամբողջ պատասխանատվությունը ՌԴ-ի վրա բարդել»։
«Օբյեկտիվ եզրակացություններ անելու, մասնավորապես, սեփական սխալներից ու սխալ հաշվարկներից եզրակացություններ անելու փոխարեն՝ հերթական անգամ փորձ է արվել ամբողջ պատասխանատվությունը դնել Ռուսաստանի վրա, և դա հիմք չունի, քանի որ դրանք մեր սխալները չեն։ Դրանք սխալներ են, ցավոք, պետք է ասեմ, պաշտոնական Երևանի սխալներն են։ Ի դեպ, այս ամենը վերաբերում է ինչպես մեր երկրի հետ հարաբերություններին, այնպես էլ հայ-ադրբեջանական կարգավորմանը»,- հայտարարել է Զախարովան։
Մանրամասները՝ տեսանյութում։
