07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Հրթիռի բեկորներ են հայտնաբերվել Իլ-76-ի կործանման վայրում
Քաղաքականություն
25.01.2024 | 17:57
Բելգորոդի շրջանում Իլ-76-ի կործանման վայրում հայտնաբերվել են ենթադրյալ հակաօդային կառավարվող հրթիռի տարրեր, հաղորդում է ՏԱՍՍ-ը՝ վկայակոչելով օպերատիվ ծառայությունները։ Գործակալության զրուցակցի խոսքով՝ այս տարրերը հաստատում են օդանավի վրա արտաքին ազդեցությունը՝ դրանք կուղարկվեն փորձաքննության։
«Ներկայում որոնողական աշխատանքներ են տարվում օդանավի ցանկացած բեկորների, մեծ տարածքում գտնվող մետաղական կոնստրուկցիաների հայտնաբերման համար», – ասել է ՏԱՍՍ-ի աղբյուրը։
Նրա խոսքով՝ բոլոր մետաղական կոնստրուկցիաների որոնողական աշխատանքներն իրականացվում են զինվորականների, քննիչների և քրեագետների կողմից։ Փորձագետները, ըստ «Կոմերսանտ»-ի աղբյուրի, բեկորներն ուսումնասիրելիս հայտնաբերել են անցքեր, որոնք, ըստ երևույթին, առաջացել են բեկորների հարվածից:
ՌԴ ՊՆ-ի տվյալներով՝ հունվարի 24-ին Բելգորոդի շրջանում Իլ-76 ռազմատրանսպորտային ինքնաթիռ է խոցվել Խարկովի մարզից արձակված երկու զենիթահրթիռային հրթիռներով։ Գերատեսչության տվյալներով՝ ինքնաթիռում եղել է 65 ուկրաինացի գերի, 3 ուղեկցող անձ և անձնակազմի 6 անդամ։ Նրանք բոլորը մահացել են։
