07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
ՄԱԿ-ի գլխավոր քարտուղարը Պակիստանին և Իրանին զսպվածության կոչ է արել
Քաղաքականություն
19.01.2024 | 21:49
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Այն բանից հետո, երբ Իրանը և Պակիստանը հարվածներ են հասցրել միմյանց տարածքում գտնվող ծայրահեղականների բազաներին, ՄԱԿ-ի գլխավոր քարտուղար Անտոնիո Գուտերեշը երկու կողմերին զսպվածության կոչ է արել, գրում է DW-ի ռուսական ծառայությունը։
«Գլխավոր քարտուղարն ընդգծում է, որ երկու երկրների միջև անվտանգության բոլոր հարցերը պետք է լուծվեն խաղաղ ճանապարհով, երկխոսության և համագործակցության միջոցով՝ հիմնված ինքնիշխանության, տարածքային ամբողջականության և բարիդրացիության սկզբունքների հարգման վրա»,- ասել է կազմակերպության ղեկավարի խոսնակ Ստեֆան Դյուժարիկը։
Անջատողական խմբավորումներն ակտիվ գործում են Իրանի և Պակիստանի սահմանամերձ շրջաններում՝ ձգտելով անկախ պետության ստեղծմանը Իրանի արևելյան Սիստան և Բելուջիստան նահանգներում ու արևմտյան Պակիստանի Բելուջիստան նահանգում:
Պակիստանը հունվարի 18-ին հրթիռային և անօդաչու թռչող սարքերի հարվածներ է հասցրել Իրանի թիրախներին, ըստ երևույթին, ի պատասխան Իրանի հրթիռային հարձակման, որը, Թեհրանի կառավարության կարծիքով, ուղղված էր «Ջեյշ ալ-Ադլ» սուննի խմբավորման ծայրահեղականների դեմ: Պակիստանը նաև հայտարարել է, որ Իրանի տարածքին հարվածի թիրախը եղել են այս խմբավորման ծայրահեղականները։
Միջադեպը դիվանագիտական ճգնաժամ է առաջացրել երկու պետությունների հարաբերություններում, որոնք նոր-նոր էին լավանում։
