24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
ՌԴ-ում այրվող նավթի պահեստի շրջակայքից մարդկանց են տարհանում
Քաղաքականություն
19.01.2024 | 17:50
Բրյանսկի շրջանի Կլինցի քաղաքում այրվող նավթի պահեստի շրջակայքից մոտ 40 մարդ է տարհանվել, ՌԻԱ Նովոստիին հայտնել է Արտակարգ իրավիճակների ծառայության ներկայացուցիչը։
«Մոտ 40 մարդ մասնավոր հատվածից տարհանվել է»,- ասել է գործակալության զրուցակիցը։
Փրկարարները նախօրոք պատրաստել են ժամանակավոր կացարաններ՝ հրդեհի հետ կապված իրավիճակի վատթարացման դեպքում։
Այսօր առավոտյան ռադիոէլեկտրոնային պայքարի միջոցները շարքից դուրս են բերել Ուկրաինայի զինված ուժերի անօդաչու թռչող սարքը, ոչնչացման ժամանակ ԱԹՍ-ն արկ է նետել Կլինցովսկի նավթային պահեստի վրա։ Հրդեհ է բռնկվել՝ ընդգրկելով մոտ հազար ք/մ տարածք։ Օջախում բարձր ջերմաստիճանի պատճառով հրդեհը մարվում է մեծ հեռավորությունից։ Տուժածների մասին տեղեկություններ չկան:
Ռոսպոտրեբնադզորի մասնագետները վերահսկում են օդում վնասակար նյութերի առավելագույն թույլատրելի կոնցենտրացիան։
Ուկրաինայի զինված ուժերը պարբերաբար գնդակոծում են ռուսական սահմանային տարածքները, անօդաչու սարքերի հարվածներ են հասցնում և դիվերսիաներ իրականացնում։
