11.08.2026 | 17:49
Հունգարիան նոր նախագահ ունի
Երևան-Սևան ավտոճանապարհին տեղի է ունեցել ճանապարհատրանսպորտային պատահար, տուժել է երկու ուղևոր
06.08.2018 | 19:22
ՀՀ արտակարգ իրավիճակների նախարարության «911» ծառայությունն օգոստոսի 6-ին, ժամը 15:49-ին տեղեկություն է ստացել, որ Երևան-Սևան ավտոճանապարհին տեղի է ունեցել ՃՏՊ, կա տուժած. անհրաժեշտ է փրկարարների օգնությունը:ՀՀ ԱԻՆ-ը տեղեկացնում է, որ դեպքի վայր է մեկնել ՀՀ ԱԻՆ փրկարար ծառայության հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Պարզվել է, որ Երևան-Սևան ավտոճանապարհի 23-րդ կմ-ին բախվել են «Mercedes Vito» մակնիշի (վարորդը՝ Ա. Խ., 1964 թ. ծնված) և «Ford Transit» մակնիշի (վարորդը՝ Ա. Բ., 1983 թ. ծնված) ավտոմեքենաները: Բախման հետևանքով «Mercedes Vito» մակնիշի ավտոմեքենայի ուղևորները՝ Գ. Բ.-ն (1983 թ. ծնված) և Գ. Վ.-ն (1961 թ. ծնված), հոսպիտալացվել են Աբովյանի բժշկական կենտրոն: Բժիշկները տուժածների առողջական վիճակը գնահատել են բավարար:
Փրկարարները հոսանքազրկել են ավտոմեքենաները և փակել գազի բալոնների փականները:
