26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Լիբանանում հիվանդանոցներին հանձնարարվել է պատրաստվել Իսրայելի հետ պատերազմին
Քաղաքականություն
15.01.2024 | 20:50
Լիբանանի իշխանությունները մի շարք նախարարությունների և հիվանդանոցների կարգադրել են բարձր պատրաստի վիճակում լինել Իսրայելի հետ հնարավոր կոնֆլիկտի բռնկման դեպքում։ Այս մասին հայտնում է Bloomberg-ը՝ վկայակոչելով իրավիճակին ծանոթ պաշտոնյային։
«Լիբանանի կառավարությունը մի քանի նախարարությունների և հիվանդանոցների հանձնարարել է բարձր պատրասվածության վիճակում լինել պատերազմի դեպքում», – մեջբերում է գործակալությունը պաշտոնյայի խոսքերը։
Ըստ Bloomberg-ի՝ Իսրայելում լիբանանյան «Հըզբոլլահ» շարժման դեմ հռետորաբանությունը դարձել է ավելի ռազմատենչ։ Իսկ դիվանագիտական կարգավորման ժամանակ, ինչպես երևում է, Իսրայելը «Հըզբոլլահ»-ին դրդում է հեռանալ սահմաններից, հավելում է գործակալությունը։
Իրավիճակը հարավային Լիբանանում վատթարացել է այն բանից հետո, երբ Իսրայելը սկսել է ռազմական գործողություններ Գազայի հատվածում 2023 թվականի հոկտեմբերին։ Իսրայելական բանակը և «Հըզբոլլահի» մարտիկները գրեթե ամեն օր կրակում են սահմանամերձ շրջաններում միմյանց դիրքերի ուղղությամբ։
