29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Դավոսում մեկնարկել է Ուկրաինային նվիրված համաժողովը. մասնակցում է նաև ՀՀ ԱԽ քարտուղարը
Քաղաքականություն
14.01.2024 | 14:30
Այսօր Շվեյցարիայի Դավոս քաղաքում մեկնարկել է Ուկրաինայում խաղաղ կարգավորման հեռանկարներին նվիրված 4-րդ համաժողովը։ Այս մասին հաղորդում է DW-ն։
Շվեյցարիայի ԱԳՆ-ի տվյալներով՝ այս միջոցառմանը մասնակից պետությունների թիվը շուրջ 80 է, ինչը զգալիորեն ավելի շատ է, քան 2023 թվականին Դանիայում, Սաուդյան Արաբիայում և Մալթայում տեղի ունեցած նմանատիպ հանդիպումներում։
Ինչպես ավելի վաղ տեղեկացրել էինք, միջոցառմանը մասնակցում է նաև ՀՀ ԱԽ քարտուղար Արմեն Գրիգորյանը։
Դավոսում քննարկման հիմնական թեման այսպես կոչված «խաղաղության բանաձև»-ն է, որն առաջարկել է Ուկրաինայի նախագահ Վլադիմիր Զելենսկին։ Այս ծրագիրը պարունակում է տասը կետ, ներառյալ ռուսական զորքերի դուրսբերումը Ուկրաինայի ողջ տարածքից, ռուս ռազմական հանցագործների պատիժը, Ռուսաստանի կողմից Ուկրաինային հատուցումների վճարումը և այդ պետությանը անվտանգության միջազգային երաշխիքների տրամադրումը։
