08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Բաքուն «միջանցք» կամ «շրջափակում» տրամաբանությունն է շարունակում․ «Խաղաղության խաչմերուկն» իրենց չի հետաքրքրում. Արմեն Պետրոսյան․ ՏԵՍԱՆՅՈՒԹ
Քաղաքականություն
11.01.2024 | 20:02
Նախիջևանի և Ադրբեջանի միջև անխափան կապն ապահովելու նպատակով է նոյեմբերի 9-ի հայտարարության 9-րդ մտցվել։ Factor TV-ին տված հարցազրույցում այս մասին ասում է արևելագետ Արմեն Պետրոսյանը՝ անդրադառնալով Ադրբեջանի նախագահ Իլհամ Ալիևի՝ «Զանգեզուրի միջանցքի» վերաբերյալ արված վերջին հայտարարությանը։
«Նույն հարցազրույցում Ալիևը շատ կարևոր հղում է անում, որ ճանապարհի տրամադրումը պետք է լինի նոյեմբերի 9-ի ձևաչափով, այսինքն՝ ռուսական կողմի վերահսկողությամբ։ Սա շատ կարևոր ուղերձ է, որը հերթական անգամ գալիս է փաստելու այն գործարքը, որը տեղի է ունեցել Ռուսաստանի և Ադրբեջանի միջև՝ Արցախը Սյունիքի դիմաց. Ռուսաստանն Արցախը զիջել է Ադրբեջանին՝ նրանից ստանալով երաշխիքներ, որ եթե ապաշրջափակում տեղի ունենա, ապա նոյեմբերի 9-ի սկզբունքով»,- նշում է փորձագետը։
Արմեն Պետրոսյանը խոսում է նաև Հայաստանին Ալիևի ներկայացրած տարածքային պահանջների, խաղաղության պայմանագիրը սահմանազատման գործընթացի հետ չկապելու հայտարարության, ԵՄ Խորհրդի նախագահի պաշտոնում Շառլ Միշելին հնարավոր փոխարինողի, Մերձավոր Արևելքում տիրող իրադրության և այլ թեմաների մասին։
Հարցազրույցն ամբողջությամբ՝ տեսանյութում։
Թամարա Հակոբյան
