23.07.2026 | 16:05
Արագածոտնում եղբայրները մեղադրվում են մորը գրտնակով սպանելու և դին թաքցնելու համար
Էրդողանը հայտարարել է, թե իրենք պաշտպանում են Թուրքիայի շահերը․ «Մեր ադրբեջանցի եղբայրների հետ Ղարաբաղի ազատագրումն այդ օրինակներից է»
Քաղաքականություն
10.01.2024 | 23:11
Թուրքիայի նախագահ Ռեջեփ Թայիփ Էրդողանը երկրի ազգային հետախուզական ծառայության կազմավորման 97-ամյակի միջոցառմանը հայտարարել է, որ Անկարան չի գործում ուրիշների ասելով, ինչպես արել է անցյալում, հաղորդում է TRT Haber-ը:
«Մենք ենք սահմանում մեր յուրաքանչյուր որոշում ներքին և արտաքին քաղաքականության մեջ, յուրաքանչյուր քաղաքականություն, որը իրականացնում ենք, ամբողջությամբ ուղղված է դեպի Թուրքիա։ Մենք ձգտում ենք անել այն, ինչ պահանջում է մեր երկրի շահը՝ անկախ նրանից, թե ինչ է ասում որևէ մեկը»,- ասել է նա։
Ըստ Էրդողանի՝ իրենք խիզախորեն պաշտպանում են ազգի շահերը ինչպես դիվանագիտության, այնպես էլ ռազմական ոլորտում՝ ճիշտ ժամանակին, ճիշտ քայլերով, ինչպես, օրինակ, «ռազմական գործողությունները Սիրիայում և Իրաքում»։
«Շուրջ 30 տարվա օկուպացիայից հետո մեր ադրբեջանցի եղբայրների հետ Ղարաբաղի ազատագրումն այդ օրինակներից է։ Մեր աջակցությունը Լիբիայի օրինական կառավարությանը, որի հետ մենք հին կապեր ունենք, նույնպես դրանցից մեկն է։ Դրանցից մեկն այն ամուր կամքն է, որը մենք դրսևորել ենք՝ պաշտպանելու մեր հայրենիքը Էգեյան ծովից մինչև Սև ծով և Արևելյան Միջերկրական»,- հայտարարել է Թուրքիայի նախագահը։
Էմմա Չոբանյան
