25.02.2026 | 14:00
Ուկրաինական ԱԹՍ-ները հարձակվել են Սմոլենսկի քիմիական գործարանի վրա, զոհվել է 4 մարդ
Էկվադորի բանտից հայտնի մաֆիոզ է անհետացել. երկրում արտակարգ դրություն է հայտարարվել
Քաղաքականություն
09.01.2024 | 22:50
Էկվադորի բանտերից մեկի բանտախցից անհետացել է ամենավտանգավոր հանցավոր խմբերից մեկի ղեկավարը, որին կասկածում են, մասնավորապես, երկրի նախագահի թեկնածուի սպանության մեջ։ BBC-ի ռուսական ծառայության փոխանցմամբ՝ երկրում երկամսյա ժամկետով արտակարգ դրություն է հայտարարվել։
Ադոլֆո Մասիաս Վիլամարը՝ Ֆիտո մականունով, բանտում էր 12 տարի, միևնույն ժամանակ, գլխավորում էր «Լոս Չոներոս» («Մարդիկ Չոնե քաղաքից») հզոր մաֆիոզ խմբավորումը։ Վիլամարի խուցը գտնվում էր Գուայաքիլի բանտի այն հատվածում, որը պետք է հատկապես խստորեն պահպանվեր։
Էկվադորի նախագահ Դանիել Նոբոան 60 օր ժամկետով արտակարգ դրություն է հայտարարել, որը ներառում է նաև հասարակական հավաքների ժամանակավոր արգելք և պարետային ժամ։
Նախագահի խոսքով՝ արտակարգ դրությունը զինվորականներին ու ոստիկաններին թույլ կտա անմիջական խիստ վերահսկողություն հաստատել երկրի բանտերի նկատմամբ։
