Քաղաքականություն
08.01.2024 | 22:13
Այս օրերին ձյունն ու ծայրահեղ ցրտերը բարդացնում են եվրոպական երկրների հազարավոր քաղաքացիների կյանքը։ Անգամ այն երկրներում, որոնք սովոր են սառնամանիքներին, օրինակ՝ Դանիայում, գրանցվել են տրանսպորտի խափանումներ։ Այնտեղ ջերմաստիճանը նվազել է մինչև -20 ըստ Ցելսիուսի, գրում է Euronews-ը։
Երկրի մեծությամբ երկրորդ քաղաքում՝ Օրհուսում, մերկասառույցը և ձյունածածկ փողոցները թակարդ են դարձել հազարավոր վարորդների համար: Նրանցից շատերը շտապօգնության կարիք են ունեցել:
Երկուշաբթի Օրհուսում միայն մեկ ավտոբուսային երթուղի է գործել։ Լուրջ դժվարություններ են նկատվել նաև այլ քաղաքներում։
Ձյունը և զրոյից ցածր ջերմաստիճանը բազմաթիվ խնդիրներ են ստեղծել Մոլդովայում վարորդների համար: Քիշնևի իշխանությունները դադարեցրել են հասարակական տրանսպորտի, ինչպես նաև մի շարք պետական հաստատությունների գործունեությունը։ Մայրաքաղաքի դպրոցներում ձմեռային արձակուրդը երկարաձգվել է առնվազն մինչև հինգշաբթի։
Ոստիկանությունը նաև զգուշացրել է վարորդներին՝ մերկասառույցի պայմաններում տրանսպորտային միջոցներին օգնելով դուրս գալ ճանապարհից:
La Chișinău ninge continuu, iar potrivit datelor meteorologice ninsorile vor fi și mai puternice. pic.twitter.com/NdD2E7WRaJ
— Ruslan Soltan (@ruslan_soltan) January 8, 2024
