14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԱՄՆ-ն առաջին անգամ մասնավոր մոդուլ է արձակել Լուսին
Քաղաքականություն
08.01.2024 | 22:33
Ավելի քան կես դար անց առաջին անգամ ամերիկյան տիեզերանավ է ուղևորվել Լուսին։ Մասնավորապես, հունվարի 8-ին, տեղական ժամանակով 02.18-ին Ֆլորիդա նահանգի Կանավերալ հրվանդանի տիեզերակայանից հաջողությամբ արձակվել է United Launch Alliance-ի արտադրության «Vulcan Centaur» հրթիռակիրը՝ Peregrine լուսնային վայրէջքային մոդուլով, գրում է DW-ի ռուսական ծառայությունը։
NASA-ն հայտնում է, որ առաջին անգամ Լուսին է արձակվել կոմերցիոն մոդուլ։ Առաքելության հաջողության դեպքում Peregrine-ը կդառնա պատմության մեջ առաջին մասնավոր սարքը, որը վայրէջք է կատարել Լուսնի վրա։
NASA-ն առաքելության գիտական նպատակներ է անվանում լուսնային էկզոսֆերայի, ջերմային հատկությունների և ջրածնի պարունակության ուսումնասիրությունը Լուսնային ռեգոլիտում, մագնիսական դաշտերում և ճառագայթային պայմաններում:
Մոդուլի վայրէջքը նախատեսված է փետրվարի 23-ին։
Սա ամերիկյան առաջին առաքելությունն է դեպի Լուսին՝ 1972 թվականին «Ապոլոն-17» տիեզերանավի անձնակազմի թռիչքից հետո։
Էմմա Չոբանյան
