Էրդողանը նախկին նախարարին Ստամբուլի քաղաքապետի թեկնածու է առաջադրել՝ ընդդիմությանը հաղթելու ակնկալիքով

Քաղաքականություն

08.01.2024 | 22:22

Լուրեր

25.11.2024 | 16:50

Ճամբարակում, Սպիտակի ոլորաններում ձյուն է տեղում

25.11.2024 | 16:42

ՀՀ-ն չի մասնակցի նոյեմբերի 28-ին Աստանայում կայանալիք ՀԱՊԿ միջոցառումներին

25.11.2024 | 16:34

«Այդպես ավելի լավ է բոլորի համար». Պապուաշվիլին՝ Վրաստանի խորհրդարանի առաջին նիստին ԱՄՆ-ի ու ԵՄ երկրների դեսպանների բացակայության մասին

25.11.2024 | 16:23

Երևանում տեղի է ունենալու «Ընդդեմ ցեղասպանության հանցագործության» 5-րդ գլոբալ ֆորումը

25.11.2024 | 16:10

Ադրբեջանի Մեջլիսի պատգամավորը Հայաստանի բյուջեն «ռազմականացված» է որակել

25.11.2024 | 15:59

Գրանցվել է 439 դեպք, որից 146-ը՝ արտակարգ․ ՓԾ-ն ամփոփել է շաբաթը

25.11.2024 | 15:47

Կիպրոսը ծրագրում է անդամակցել ՆԱՏՕ-ին

25.11.2024 | 15:36

ՃՏՊ Աշտարակ-Ապարան ավտոճանապարհին. կան տուժածներ

25.11.2024 | 15:28

ՀՀ-ից մեկնած կանադացի լրագրողի մուտքը Թուրքիա արգելափակվել է՝ ԼՂ-ում Բաքվի էթնիկ զտումները քննադատելու համար

25.11.2024 | 15:17

Խախտումներ շինհրապարակում. ԲԸՏՄ

25.11.2024 | 15:09

ՌԴ-ն սկսել է նախապատրաստվել Զապորոժիեն գրավելուն. The Economist

25.11.2024 | 15:00

Կենտրոնի թաղապետարանի պաշտոնյա է կալանավորվել, փոփոխություններ Վրաստանի կառավարության կազմում․ ԼՈՒՐԵՐ

25.11.2024 | 14:54

Հնդկաստանը Pinaka համակարգերի առաջին խմբաքանակն է մատակարարել Հայաստանին․ ԶԼՄ

25.11.2024 | 14:46

Վրաստանի իշխող կուսակցությունն արագացնում է նոր նախագահի ընտրությունը

25.11.2024 | 14:41

Սուրեն Պապիկյանն այցելել է սահմանագոտի․ ԼՈՒՍԱՆԿԱՐՆԵՐ

Բոլորը

Թուրքիայի նախագահ Ռեջեփ Թայիփ Էրդողանը նախօրեին հայտարարել է «Արդարություն և զարգացում» կուսակցության Ստամբուլի քաղաքապետի թեկնածուին 2024 թվականի մարտի 31-ին կայանալիք տեղական ինքնակառավարման մարմինների ընտրություններում։ Ստամբուլում տեղի ունեցած միջոցառմանը Էրդողանը հայտարարել է, որ ԱԶԿ պատգամավոր, շրջակա միջավայրի, քաղաքաշինության և կլիմայի փոփոխության հարցերով նախկին նախարար Մուրադ Քուրումը կառաջադրվի Ստամբուլի տեղական ընտրություններում, գրում է Duvar-ը։

Էրդողանը հայտարարել է նաև ԱԶԿ-ի 25 այլ նահանգներում քաղաքապետերի թեկնածուների մասին։ Իշխող ուժից Անկարայի քաղաքապետի թեկնածուի անունը կհայտարարվի հունվարի 15-ին:

Թուրքիայի նախագահը Մուրադ Քուրումի թեկնածության մասին հայտարարել է «Նորի՛ց Ստամբուլ, նորի՛ց ԱԶԿ» կարգախոսով։

«Ձեռք ձեռքի, ուս ուսի, մենք անպայման Ստամբուլը դուրս ենք բերելու վերջին հինգ տարիների շրջանից։ Ինչպես բոլոր ստամբուլցիները՝ մենք շատ պարզ տեսնում ենք, որ Ստամբուլն այլևս չի կարող հանդուրժել ևս հինգ տարի կորցնել: Դուք չեք կարող լինել կես դրույքով քաղաքապետ»,- ասել է Էրդողանը՝ քննադատելով ընդդիմադիր քաղաքապետ Էքրեմ Իմամօղլուին։

Քուրումը շրջակա միջավայրի, քաղաքաշինության և կլիմայի փոփոխության նախարարի պաշտոնը զբաղեցրել է 2018-ից 2023 թվականներին։ Նա ԱԶԿ-ից պատգամավոր է ընտրվել 2023 թվականի ընտրություններում։

Փետրվարի 6-ին Թուրքիայի հարավ-արևելքում տեղի ունեցած երկրաշարժերի ժամանակ Քուրումը խիստ քննադատության էր ենթարկվել՝ նահանգները երկրաշարժերին չպատրաստելու և գոտիավորումը թույլ չտալու համար՝ չնայած փորձագետների մի քանի նախազգուշացումներին, որ նման քայլը վտանգի տակ կդնի մարդկանց կյանքը հնարավոր երկրաշարժերի պատճառով:

Նշենք, որ Ստամբուլի քաղաքապետ Էքրեմ Իմամօղլուն՝ գլխավոր ընդդիմադիր Ժողովրդահանրապետական կուսակցությունից, 2019 թվականի տեղական ընտրություններում հաղթել էր ԱԶԿ-ից Բինալի Յըլդըրըմին՝ տասնամյակներ անց առաջին անգամ վերցնելով քաղաքապետի պաշտոնը իշխող ուժից, և հիմա Էրդողանը ցանկանում է վերադարձնել այն։

Հավելենք, որ վերջին հարցումների համաձայն՝ Իմամօղլուն հաղթում է ԱԶԿ-ի թեկնածուներին։

Էմմա Չոբանյան