16.12.2025 | 14:46
Ակադեմիական քաղաքի զարգացման նոր հայեցակարգ կընդունվի, 2 տարի առաջ ընդունվածն ուժը կորցրած կճանաչվի
Ակադեմիական քաղաքի ստեղծման նպատակով հատկացվել է տարածք. ՀՀ կառավարության որոշում
04.01.2024 | 17:23
Կառավարության այսօրվա՝ հունվարի 4-ի նիստում չզեկուցվող հարցերի շարքում ընդունվել է Երևան քաղաքի և Արագածոտնի մարզի Աշտարակ համայնքի Սասունիկ բնակավայրի վարչական սահմաններում գտնվող որոշ տարածքների նկատմամբ հանրության գերակա շահ ճանաչելու և դրանք «Ակադեմիական քաղաք» հիմնադրամին փոխանցելու մասին որոշման նախագիծը․ տեղեկացնում են ԿԳՄՍՆ-ից։
Ակադեմիական քաղաքի ստեղծման նպատակով որպես հիմնական տեղամաս ընտրվել է Երևան քաղաքի 17-րդ թաղամասի տարածքը, որի սահմաններում առկա են ինչպես պետության և համայնքի սեփականություն հանդիսացող հողամասեր, այնպես էլ ֆիզիկական և իրավաբանական անձանց պատկանող հողամասեր։
«Ակադեմիական քաղաքի կարևորությունն ու հրատապությունը պայմանավորված են բարձրագույն որակյալ կրթության և հետազոտության համար արդիական միջավայր ստեղծելու անհրաժեշտությամբ՝ հաշվի առնելով այն հանգամանքը, որ կրթությունն ու հետազոտությունը տնտեսական կայուն առաջընթացի և զարգացման նախապայման են»,- ասված է նախագծի հիմնավորման մեջ։
Համաձայն որոշման՝ Երևան քաղաքի և Արագածոտնի մարզի Աշտարակ համայնքի Սասունիկ բնակավայրի վարչական սահմաններում գտնվող համայնքի սեփականություն հանդիսացող, ինչպես նաև ֆիզիկական ու իրավաբանական անձանց պատկանող որոշ հողամասեր փոխանցվում են «Ակադեմիական քաղաք» հիմնադրամին՝ ապահովելով սեփականատերերի արդարացի և համարժեք փոխհատուցումը։
