02.11.2024 | 11:21
Նավթի գները նվազել են
Ճապոնիայում երկրաշարժը 30 մարդու կյանք է խլել
Քաղաքականություն
02.01.2024 | 13:21
Ճապոնիայի Իսիկավա պրեֆեկտուրայում մի շարք հզոր երկրաշարժեր են տեղի ունեցել, ինչի հետևանքով զոհերի թիվը հասել է 30-ի։ Տեղեկությունը հայտնում է ՌԻԱ Նովոստին:
Միայն Վաձիմա քաղաքում երկրաշարժերի հետևանքով 15 մարդ է մահացել:
Հիշեցնենք, որ հունվարի 1–ի ցերեկը Ճապոնիայի Իսիկավա պրեֆեկտուրայում մի շարք հզոր երկրաշարժեր են տեղի ունեցել։ Դրանց տրվել է «Երկրաշարժ Նոտո թերակղզում» անվանումը։ 5,7 մագնիտուդով առաջին ստորգետնյա ցնցումները գրանցվել են տեղական ժամանակով 16.06-ին : Երկրորդ՝ ավելի հզոր հարվածը` 7,6 մագնիտուդով, տեղի է ունեցել տեղական ժամանակով 16։10-ին ։ Եվս ութ րոպե անց տեղի է ունեցել 6,1 մագնիտուդով նոր երկրաշարժ:
Օդերևութաբանների տվյալներով՝ հունվարի 1-ի լույս 2-ի գիշերը տարածաշրջանում գրանցվել է Ճապոնական սանդղակով երկու բալից բարձր ուժգնությամբ 87 կրկնակի ստորգետնյա ցնցում:
Ճապոնիայի երկրաշարժերից հետո ՌԴ Մագադանի շրջանում սառույցի արագ հալվելու սպառնալիք կա
Ստորգետնյա ցնցումները հանգեցրել են տների ավերածությունների և արագընթաց գնացքների երթևեկության դադարեցման, ավելի քան 32 հազար տների էլեկտրաէներգիայի անջատման: Որոշ շրջաններում նկատվում են ջրամատակարարման և կապի անջատումներ, վնասվել են նաև ճանապարհներ։
