02.11.2024 | 13:33
Հրդեհ Աքորի գյուղում, այրվել է տան տանիք
Զինվորների կորստից հետո Թուրքիան կուժեղացնի Իրաքում ռազմաբազաները
Քաղաքականություն
29.12.2023 | 23:30
Թուրքիայի նախագահ Ռեջեփ Թայիփ Էրդողանը հայտարարել է, որ Անկարան առաջիկա ամիսներին կամրապնդի իր մշտական բազաները Հյուսիսային Իրաքում այն բանից հետո, երբ տարածաշրջանում 12 թուրք զինվորական է սպանվել, գրում է Duvar-ը։
Թուրք զինծառայողները սպանվել են անցյալ շաբաթ Հյուսիսային Իրաքում՝ այնտեղ տեղակայված Քուրդիստանի աշխատավորական կուսակցության (PKK) զինյալների հետ բախումների ժամանակ։
«Վերջին տարիներին մենք Հյուսիսային Իրաքում հարյուրավոր կիլոմետր երկարությամբ ճանապարհներ ենք կառուցել մեր մշտական բազաների համար։ Մենք նույն գործողություններն ենք իրականացնում մեր վերահսկողության տակ գտնվող նոր վայրերում։ Մինչև գարնան գալուստը կավարտենք մեր նորաստեղծ բազաների ենթակառուցվածքը (Հյուսիսային Իրաքում) և կզրկենք ահաբեկիչներին տարածաշրջան ոտք դնելուց»,- ասել է Էրդողանը։
Թուրքական ուժերը պարբերաբար հարվածներ են հասցնում հարևան Իրաքում՝ PKK-ի զինյալների դեմ հարձակման գործողության շրջանակում։ 2019 թվականից Թուրքիան մի շարք գործողություններ է սկսել Հյուսիսային Իրաքում՝ Էրդողանի՝ «ահաբեկչության դեմ պայքարում անվտանգության նոր հայեցակարգի» և «ահաբեկչությանն ու ահաբեկիչներին իրենց աղբյուրներում չեզոքացնելու» ծրագրի մասին հայտարարությունից հետո։
PKK-ն Թուրքիայի, ինչպես նաև ԱՄՆ-ի ու ԵՄ-ի կողմից ճանաչված է ահաբեկչական խմբավորում:։
Էմմա Չոբանյան
