01.05.2026 | 12:51
ՖԻԴԵ. Հայ շախմատիստների թարմացված դիրքերը դասակարգման աղյուսակում
Ռուսաստանը Ֆինլանդիայի հետ սահմանի մոտ նորագույն հաուբիցներ կտեղակայի
Քաղաքականություն
27.12.2023 | 21:27
Ռուսաստանը շուտով իր նորագույն հաուբիցները կտեղակայի Հյուսիսային ռազմական օկրուգում, որը սահմանակից է Ֆինլանդիայի և Նորվեգիային: Այս մասին հայտարարել է Rostec-ի ղեկավար Սերգեյ Չեմեզովը, գրում է Reuters-ը։
Նրա խոսքով՝ ավարտվել են նոր «Կոալիցիա-ՍՎ» ինքնագնաց հրետանային համակարգերի փորձարկումները, և դրանց սերիական արտադրությունն արդեն սկսվել է։ Առաջին փորձնական խմբաքանակը կմատակարարվի մինչև այս տարվա վերջ։
«Կարծում եմ, որ մոտ ապագայում դրանք կհայտնվեն այնտեղ (Հյուսիսային ռազմական օկրուգում), քանի որ այս դասի հաուբիցներ են անհրաժեշտ՝ կրակային հեռահարության առումով արևմտյան հրետանային մոդելների նկատմամբ առավելություն ապահովելու համար»,- ասել է Չեմեզովը։
Ռուսական «Կոալիցիա-ՍՎ» հաուբիցներն ունեն մինչև 70 կիլոմետր կրակի հեռահարություն, հագեցված են 152 մմ տրամաչափի ժամանակակից 2A88 թնդանոթով՝ րոպեում 10-ից ավելի կրակի արագությամբ, ինչպես նաև կրակի գործընթացների ժամանակակից ավտոմատացման համակարգով։
