23.02.2026 | 20:00
Իրանի դեմ ԱՄՆ-ի ռազմական գործողությունների վտանգը մեծ է․ դիվանագիտական գործարքի շանսը նվազ է․ Արմեն Պետրոսյան․ ՏԵՍԱՆՅՈՒԹ
Անձնական տվյալների պաշտպանության գործակալությունն առաջին անգամ տուգանել է կազմակերպությանը` անձի տվյալները ոչ իրավաչափ մշակելու համար
Հասարակություն
25.12.2023 | 22:17
Անձնական տվյալների պաշտպանության գործակալության կողմից հարուցվել են վարչական վարույթներ՝ վճարահաշվարկային ծառայություններ մատուցող մի քանի կազմակերպությունների կողմից անձնական տվյալների մշակման համապատասխանությունն ստուգելու համար, և այդ կազմակերպություններից մեկի նկատմամբ արդեն կիրառվել է վարչական տույժ՝ տուգանք նշանակելու ձևով: Նշանակված տուգանքի գումարն այդ կազմակերպության կողմից պատշաճ ձևով վճարվել է պետական գանձապետական համապատասխան հաշվեհամարին: Այս մասին տեղեկացնում են ՀՀ արդարադատության նախարարությունից:
«Նշենք, որ Անձնական տվյալների պաշտպանության գործակալությունը պետական հսկողություն է իրականացնում պետական և տեղական ինքնակառավարման մարմինների, իրավաբանական և ֆիզիկական անձանց կողմից իրականացվող անձնական տվյալների մշակման օրինականության նկատմամբ:
Գործակալությունն իր նախաձեռնությամբ կամ համապատասխան դիմումի հիման վրա վարչական վարույթի շրջանակներում ստուգում է անձնական տվյալների մշակման համապատասխանությունը «Անձնական տվյալների պաշտպանության մասին» ՀՀ օրենքի պահանջներին և այդ պահանջների խախտման դեպքում կիրառում է Վարչական իրավախախտումների վերաբերյալ ՀՀ օրենսգրքով սահմանված վարչական տույժ»,- ասված է հաղորդագրության մեջ։
