18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Հռոմի պապը դատապարտել է Սուրբ Ծննդի օրը արյունահեղությունը և աղոթել խաղաղության համար
Քաղաքականություն
25.12.2023 | 23:08
Հռոմի Ֆրանցիսկոս պապը Սուրբ Ծննդյան օրն աղոթել է Պաղեստինում, Իսրայելում և Ուկրաինայում խաղաղության համար ու Սուրբ Պետրոսի տաճարում իր քարոզում կաթոլիկներին կոչ է արել համերաշխություն հայտնել պատերազմներից տուժածներին, փոխանցում է Euronews-ը։
Վատիկանում պատարագին մասնակցել է ավելի քան 6 հազար ծխական, ևս 15 հազար մարդ հավաքվել է կենտրոնական եկեղեցու դիմաց։
«Այսօր մեր սրտերը Բեթղեհեմում են, որտեղ Խաղաղության իշխանը ևս մեկ անգամ մերժված է պատերազմի սին տրամաբանությամբ, զենքի մռնչյունով, որի պատճառով կրկին Նրա համար ոչ մի տեղ չկա»,- ասել է կաթոլիկ քահանայապետը։
Հռոմի կաթոլիկ եկեղեցու առաջնորդը հիշեցրել է, որ Բեթղեհեմում, որտեղ ավելի քան 2000 տարի առաջ ծնվել է Հիսուսը, Գազայում ծավալվող հակամարտության պատճառով եկեղեցականներն ու իշխանություններն առաջին անգամ չեղյալ են հայտարարել ավանդական տոնակատարությունները, որոնք սովորաբար գրավում են հազարավոր մարդկանց։
