25.11.2024 | 19:43
Ինչ իրավիճակ է Հայաստանի ճանապարհներին
ՆԱՍԱ-ն ցույց է տվել, թե ինչ տեսք ունի Իսլանդիայում ժայթքած հրաբուխը տիեզերքից
Քաղաքականություն
22.12.2023 | 23:30
ՆԱՍԱ-ն ցուցադրել է Իսլանդիայի Գրինդավիկ քաղաքից մի քանի կիլոմետր հյուսիս-արևելք ընկած հրաբխի ժայթքման արդյունքում գոյացած հսկայական ճեղքի լուսանկարները: Այս մասին հայտնում է Futurism-ը։
Երկրի մակերևույթից և տիեզերքից արված պատկերները ցույց են տալիս ապոկալիպտիկ պատկեր:Մագման շարունակաբար ժայթքում է ճեղքից՝ ձևավորելով 100 մետր բարձրությամբ լավայի պատ։
Չնայած նախնական մտավախություններին, որ ժայթքումը տեղի է ունեցել այնպիսի վայրում, ուր կարող է աղետալի հետևանքներ ունենալ, Իսլանդիայի օդերևութաբանական գրասենյակն այժմ ավելի լավատեսական արդյունք է կանխատեսում: Այս ժայթքման ժամանակ շատ մոխիր օդ չի բարձրացել: Եվ չնայած լավան դեռ կարող է շաբաթներ կամ նույնիսկ ամիսներ շարունակ հոսել, այն, բարեբախտաբար, հեռանում է Գրինդավիկ քաղաքից:
«Բայց իրավիճակը կարող է փոխվել, եթե լավան սկսի կուտակվել և հոսել տարբեր ուղղություններով, կամ եթե ակտիվ ճեղքվածքն աճի ավելի հարավ կամ բացվեն նոր խորշեր: Եթե լավան շարունակի հոսել հյուսիս, այն կարող է հասնել Կեֆլավիկ օդանավակայանից Ռեյկյավիկ գլխավոր ճանապարհին»,- զգուշացնում են մասնագետները։
