07.10.2026 | 13:54
Միրզոյանի նախագահությամբ տեղի է ունեցել ՅՈՒՆԵՍԿՕ-ի Հայաստանի ազգային հանձնաժողովի նիստը
Թուրքիան հաջորդ շաբաթ ՆԱՏՕ-ին Շվեդիայի անդամակցության հայտը կարող է քվեարկության ուղարկել
Քաղաքականություն
22.12.2023 | 22:10
Թուրքիայի կողմից ՆԱՏՕ-ին Շվեդիայի անդամակցության հայտի վավերացումը կարող է հաջորդ շաբաթ ուղարկվել խորհրդարանական քվեարկության։ Այս մասին Middle East Eye-ի հետ զրույցում հայտարարել է խորհրդարանի արտաքին հարաբերությունների հանձնաժողովի նախագահ, երկրի նախկին փոխնախագահ Ֆուաթ Օքթայը։ Նա ասել է, որ հանձնաժողովը կարող է հավաքվել՝ քննարկելու արձանագրությունը, նաև կարող է այն հաստատել՝ որպես «բարի կամքի ժեստ»:
Պատգամավորը հավելել է, որ Անկարան դեռևս ավելին է ակնկալում Ստոկհոլմից «ահաբեկչության դեմ պայքարում», հատկապես՝ կապված Քուրդիստանի աշխատավորական կուսակցության (PKK) անդամների և նրա կողմնակիցների նկատմամբ ճնշումների հետ։
«Մենք հասկանում ենք, որ Շվեդիան մի քանի օրենսդրական փոփոխություններ է կատարել և որոշակի կոնկրետ քայլեր ձեռնարկել։ Սակայն մենք պետք է ապահովենք ահաբեկչության ֆինանսավորման և հավաքագրման դեպքերի ավելի խիստ կիրարկում»,- ասել է Օքթայը։
Նա նշել է, որ մյուս կողմից որոշ շարժում է սպասվում՝ նախքան խորհրդարանում վերջնական քվեարկությունը։
Այս շաբաթ MEE-ի հետ զրույցում արևմտյան դիվանագետներն ասել էին, որ ակնկալում են, որ Թուրքիայի խորհրդարանը կվավերացնի արձանագրությունները մինչև նոր տարի կամ շուտով:
«Անցյալ շաբաթ Թուրքիայի նախագահ Ռեջեփ Թայիփ Էրդողանի և ԱՄՆ նախագահ Ջո Բայդենի հեռախոսազրույցը, կարծես, լավ է անցել»,- ասել էր արևմտյան դիվանագետներից մեկը:
Էմմա Չոբանյան
