25.02.2026 | 13:51
Նիկոլ Փաշինյանը փղի արձանիկ է նվեր ստացել հնդիկ գեներալից
Պուտինը հանձնարարել է 2024թ․ աշնանային զորակոչի համար էլեկտրոնային ծանուցումներ օգտագործել
Քաղաքականություն
21.12.2023 | 22:05
Զինվորական հաշվառման միասնական ռեեստրը Ռուսաստանում գործելու է արդեն հաջորդ տարվա աշնանային զորակոչին։ Այս մասին ասվում է ՌԴ նախագահ Վլադիմիր Պուտինի՝ երկրի ՊՆ-ին ուղղված հրամանում, գրում է BBC-ի ռուսական ծառայությունը։
Ապրիլի 14-ին Վլադիմիր Պուտինն օրենք էր ստորագրել, որով փոխվել էր զորակոչի և զինվորական հաշվառման համակարգը։ Ըստ այդմ՝ Ռուսաստանում պետք է սկսի գործել գրանցամատյան, որը կհավաքի տեղեկատվություն զինապարտ բոլոր ռուսաստանցիների մասին, իսկ ծանուցագրերը կուղարկվեն ոչ միայն թղթային, այլև էլեկտրոնային տարբերակով։
Ծանուցագրերը համարվելու են հանձնված «Պետական ծառայությունների» անձնական հաշվում կամ գրանցամատյանում տեղադրվելուց մեկ շաբաթ անց: Նախատեսվում են սահմանափակող միջոցներ զորակոչից խուսափելու համար։
Ավելի վաղ ռուս պաշտոնյաները հայտարարում էին, որ միասնական այս համակարգը գործելու է միայն 2025 թվականին։
Էմմա Չոբանյան
