25.11.2024 | 21:45
Սարի հակառակ կողմը. ՏԵՍԱՆՅՈՒԹ
Ադրբեջանի ԿԸՀ-ն հաստատել է արտահերթ նախագահական ընտրություններում Իլհամ Ալիևի թեկնածությունը
Քաղաքականություն
19.12.2023 | 17:32
Ադրբեջանի Կենտրոնական ընտրական հանձնաժողովը (ԿԸՀ) հաստատել է երկրի գործող ղեկավար Իլհամ Ալիևի թեկնածությունը նախագահական ընտրություններում, գրում են ադրբեջանական լրատվամիջոցները։
ԿԸՀ քարտուղար Արիֆ Մուխտարովը հայտարարել է, որ որոշումն ընդունվել է հանձնաժողովի այսօրվա նիստում։
Հիշեցնենք, որ դեկտեմբերի 15-ին Ադրբեջանի իշխող «Նոր Ադրբեջան» կուսակցությունը նախագահի թեկնածու է առաջադրել գործող նախագահ, քաղաքական ուժի ղեկավար Իլհամ Ալիևի թեկնածությունը։ Որոշումը միաձայն ընդունվել է կուսակցության խորհրդի ընդլայնված կազմով նիստում։
Ավելի վաղ Factor TV-ն գրել էր, որ Ալիևից զատ՝ ընտրություններին մասնակցելու ցանկություն է հայտնել ևս վեց թեկնածու։
Հավելենք, որ Ադրբեջանում հաջորդ նախագահական ընտրությունները պետք է տեղի ունենային 2025 թվականին։ Սակայն Ալիևը դեկտեմբերի 7-ին հրամանագիր ստորագրեց 2024 թվականի փետրվարի 7-ին Ադրբեջանում արտահերթ նախագահական ընտրություններ անցկացնելու մասին։
Էմմա Չոբանյան
