12.10.2026 | 14:44
Տնտեսագիտության ոլորտում Նոբելյան մրցանակի են արժանացել ամերիկացի երկու գիտնականներ
Ինչ նվերներ չեն կարող ընդունել դատավորները․ ՏԵՍԱՆՅՈՒԹ
Հասարակություն
02.08.2018 | 11:35
Կառավարության օգոստոսի 2-ի նիստում գործադիրն ընդունեց որոշում, որով սահմանվում է նոր կարգ՝ դատավորի կողմից չթույլատրելի նվեր ստանալու հարցում։
Հարցի զեկուցող Արդարադատության նախարար Արտակ Զեյնալյանին վարչապետը խնդրեց պարզաբանել, թե օրինակ, ինչ նվերներ չեն կարող ընդունել դատավորները և ինչու է նման որոշում առանձին ընդունվում դատավորի և հանրային ծառայողի համար։
Ի պատասխան՝ Արտակ Զեյնալյանը նկատեց, որ առանձին-առանձին որոշումների կայացումը բխում է օրենքից։ Ինչ վերաբերում է հարցին, թե ինչ նվերներ չեն կարող ընդունել դատավորները՝ նախարարը պատասխանեց․ «Թույլատրելի նվեր համարվում է այն նվերը, որը կարող էր տրամադրվել, եթե անձը դատավոր չէ, իսկ դատավորի պարագայում նվերի արժեքն, օրինակ, 100 հազար դրամը չի կարող գերազանցել։ Չի կարող տարվա կտրվածքով դատավորին հատկացվող նվերի չափը հասնել 400 հազար դրամի»։
Վարչապետը նշեց, որ հանրությունը պետք է տեղյակ լինի նման օրենսդրական նախաձեռնությունների մասին, որի ուղղությամբ պետք է նաև այլ քայլեր իրականացվեն։
Մանրամասները՝ տեսանյութում։
