23.02.2026 | 21:00
Պատերազմի ռիսկը կտրուկ նվազեց. «Թրամփի ուղին» նախ անվտանգության գործիք է, հետո՝ տնտեսական․ Դավիթ Պետրոսյան․ ՏԵՍԱՆՅՈՒԹ
Կոնգրեսում Թուրքիային F-16-երի վաճառքը կապում են ՆԱՏՕ-ին Շվեդիայի անդամակցության հետ․ ԱՄՆ Պետքարտուղարություն
Քաղաքականություն
19.12.2023 | 22:43
ԱՄՆ Պետքարտուղարությունը դեմ չէ Թուրքիային F-16 կործանիչների վաճառքին, սակայն հիշեցնում է, որ Կոնգրեսն այս հարցը կապում է Անկարայի կողմից ՆԱՏՕ-ին Շվեդիայի անդամակցության հայտի վավերացման հետ։ Այս մասին ճեպազրույցում հայտարարել է Պետքարտուղարության մամուլի խոսնակ Մեթյու Միլլերը՝ պատասխանելով հարցին՝ արդյո՞ք պետքարտուղար Էնթոնի Բլինքենն ու Թուրքիայի ԱԳ նախարար Հաքան Ֆիդանը հեռախոսազրույցում քննարկել են կործանիչների հարցը։
«Ես, իհարկե, չեմ պատրաստվում հրապարակային խոսել այս հարցերի շուրջ: Ես կասեմ, որ մենք հստակ նշել ենք՝ աջակցում ենք Թուրքիային F-16-երի վաճառքին։ Պետքարտուղար Բլինքենը սա կրկին հստակեցրել է իր հեռախոսազանգի ժամանակ։ Սակայն, ինչպես մենք ասել ենք, Կոնգրեսում կան մարդիկ, որոնք այդ վաճառքը կապում են ՆԱՏՕ-ին Շվեդիայի միանալու հետ, և մենք պետք է դա տեսնենք որքան հնարավոր է՝ շուտ»,- ասել է Միլլերը։
Հիշեցնենք, որ Էնթոնի Բլինքենն ու Հաքան Ֆիդանը հեռախոսազրույցում քննարկել են ՀԱՄԱՍ-Իսրայել հակամարտությունը, ինչպես նաև հնարավորինս ՆԱՏՕ-ին Շվեդիայի անդամակցության հայտի վավերացման կարևորությունը։
Էմմա Չոբանյան
