29.04.2026 | 15:03
Ադրբեջանը կարող է որոշում ընդունել դադարեցնել համագործակցությունը Եվրախորհրդարանի հետ
Էնթոնի Բլինքենն ու Հաքան Ֆիդանը հեռախոսազրույց են ունեցել
Քաղաքականություն
18.12.2023 | 11:18
ԱՄՆ պետքարտուղար Էնթոնի Բլիքենն ու Թուրքիայի ԱԳ նախարար Հաքան Ֆիդանը հեռախոսազրույց են ունեցել։ ԱՄՆ Պետաքարտուղարության հաղորդմամբ՝ նրանք շարունակել են Իսրայել-ՀԱՄԱՍ հակամարտության վերաբերյալ իրենց քննարկումները՝ շեշտը դնելով Գազայի հատվածին մարդասիրական օգնության ավելացման վրա:
«Պետքարտուղար Բլինքենն ու ԱԳ նախարար Ֆիդանը նաև քննարկել են որքան հնարավոր է շուտ Շվեդիայի՝ ՆԱՏՕ-ին անդամակցելու հայտի վավերացման կարևորությունը»,-ասվում է հաղորդագրության մեջ։
Ըստ թուրքական լրատվամիջոցների՝ Ֆիդանը հեռախոսազրույցում ԱՄՆ-ին կոչ է արել օգտագործել Իսրայելի վրա իր ազդեցությունը՝ Գազայի վրա հարձակումները դադարեցնելու համար։ Կողմերը քննարկել են երկու երկրների հարաբերությունները, ինչպես նաև՝ տարածաշրջանային ու գլոբալ խնդիրներ։
Զրույցում ընդգծվել է ԱՄՆ-ի և Թուրքիայի հարաբերություններում «դաշնակցային ոգուն համապատասխան գործելու կարևորությունը», F-16-երի մատակարարման և արդիականացման, պաշտպանական արդյունաբերության ոլորտում համագործակցության հարցը։
