Քաղաքականություն
17.12.2023 | 19:15
Ռուսները պետք է հիշեն, որ Ռուսաստանի Դաշնությունը կա՛մ կլինի ինքնիշխան, կա՛մ ընդհանրապես գոյություն չի ունենա. սա պետք է լինի նրանց գլխում և սրտում։ Այս մասին հայտարարել է երկրի նախագահ Վլադիմիր Պուտինը՝ ելույթ ունենալով «Եդինայա Ռոսիա» կուսակցության 21-րդ համագումարում․ հաղորդում է ՏԱՍՍ-ը:
«Մենք պետք է հիշենք և երբեք չմոռանանք և սովորեցնենք մեր երեխաներին. Ռուսաստանը կամ ինքնաբավ, ինքնիշխան տերություն կլինի, կամ ընդհանրապես գոյություն չի ունենա: Սա շատ կարևոր բան է, որը միշտ պետք է լինի մեր գլխում և սրտում»,- պնդել է Պուտինը:
Ռուսաստանի ղեկավարն ընդգծել է, որ դրա համար իրենք են որոշելու և կերտելու իրենց ապագան։
«Սա է ինքնիշխան պետական աշխարհայացքը, իրական քաղաքացիական համախմբման և համատեղ աշխատանքի հիմքը»,- ասել է ՌԴ նախագահը։
