26.06.2026 | 14:46
Նիդերլանդների ԱԳՆ ներկայացուցչի հետ քննարկվել են հայկական արտադրանքի արտահանման հնարավորությունները դեպի ԵՄ
Փրկարար ծառայությունը լուսանկարներ է հրապարակել ավտոբուսի և 10 մեքենայի մասնակցությամբ վթարից
15.12.2023 | 20:45
Դեկտեմբերի 15-ին՝ ժամը 14։03-ին, Ճգնաժամային կառավարման ազգային կենտրոն ահազանգ է ստացվել, որ Երևանի Կորյունի և Աբովյան փողոցների խաչմերուկում տեղի է ունեցել ՃՏՊ՝ բախվել են ավտոմեքենաներ և ավտոբուս, կա արգելափակված տուժած․ անհրաժեշտ է փրկարարների օգնությունը։
ՆԳՆ Փրկարար ծառայությունից տեղեկացնում են՝ դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ բախվել են Toyota (վարորդ` Հ. Ա.), Suzuki (վարորդ` Ա. Թ.), Toyota, Nissan (վարորդ` Վ. Կ.), BMW (վարորդ` Ա. Դ.), Chevrolet (վարորդ` Վ. Բ.), Honda, Nissan», Toyota (վարորդ` Ա. Ս.), Nissan մակնիշների ավտոմեքենաները և Zhongtong մակնիշի ավտոբուսը։
Փրկարարներն ավտոբուսի վարորդին պատգարակով մոտեցրել են շտապօգնության ավտոմեքենային, որը հոսպիտալացվել է բժշկական կենտրոն։
Ավելի վաղ տեղեկացրել էինք, որ 18 համարի ավտոբուսի վարորդի ինքնազգացողությունը վատացել է․ ավտոբուսը բախվել է մի քանի մեքենայի։
