Հասարակություն
15.12.2023 | 16:42
Մայրաքաղաքի 18 համարի երթուղին սպասարկող Zhong Tong մակնիշի ավտոբուսի վարորդի ինքնազգացությունը վարելու ընթացքում վատացել է, ինչի հետևանքով Կորյունի փողոցում շղթայական ավտովթար է տեղի ունեցել, ավտոբուսը բախվել է մի քանի մեքենաների։
«Վարորդի ինքնազգացողությունը կտրուկ վատացել է, նա կորցրել է ինքնատիրապետումը։ Վարորդը տեղափոխվել է հիվանդանոց, հետազոտությունները շարունակվում են, ամենայն հավանականությամբ, խոսքը ինսուլտի կամ ինֆարկտի մասին է։ Վարորդի վիճակը ծանր է, մոտ 50 տարեկան տղամարդ է»,- հայտնեցին քաղաքապետարանից։
Միջադեպից տուժածներ չկան, վնասվել են ավտոբուսն ու մեքենաները։
Արփի Հակոբյան
