15.09.2026 | 17:53
Հայտնի է՝ որ ստադիոններն են ընդունելու եվրագավաթների եզրափակիչներն առաջիկա տարիներին
Ռուսաստանում երկու հյուսիսային ծովերը դուրս են եկել ափերից․ ՏԵՍԱՆՅՈՒԹ
Քաղաքականություն
15.12.2023 | 22:16
Ռուսաստանում Բերինգի և Օխոտսկի ծովերը դուրս են եկել ափերից։ Փոթորիկի պատճառով Կամչատկայի գյուղերը ջրի տակ են անցնում, հայտնում են ռուսական լրատվամիջոցները։
«Օսորան, Իվաշկոն, Կարագան, Վիվենկան հեղեղման վտանգի տակ են, առավոտյան սահմանափակվել է երթևեկությունը Լևաշով հրվանդանի և Օկտյաբրսկի գյուղի միջև ընկած ճանապարհի 115-ից մինչև 129-րդ կիլոմետրը, առատ տեղումներ, բուռն քամիներ, վատ տեսանելիություն ամենուր։ Տեղացիները նավակներ են պատրաստում: Թերակղզու հյուսիսարևելյան ափին՝ Տիմլաթ, Իլպիրսկոյե, Ապուկա և Կորֆ գյուղերի մոտ, սպասվում են հեղեղումներ»,- գրում է Mash Տելեգրամ-ալիքը։
SHOT տելեգրամ-ալիքի փոխանցմամբ էլ՝ ուժեղ ալիքների պատճառով մի քանի բնակավայրեր հայտնվել են հեղեղումների գոտում։ Ջուրը մտել է Օսսոր, Կարագ, Իվաշկա, Օկտյաբրսկոյե գյուղեր։
Արտակարգ իրավիճակների ծառայությունները մեկնել են Վիվենկա գյուղ, որտեղ էլեկտրականություն չկա։ Արտակարգ իրավիճակների նախարարությունը հայտնել է, որ Կամչատկայի Ուստ-Բոլշերեցկի շրջանի ավտոճանապարհի մի հատվածը փակվել է փոթորկի պատճառով։
Վատ եղանակը, կանխատեսումների համաձայն, կպահպանվի մինչև դեկտեմբերի 16-ի գիշերը։ Զոհերի մասին տեղեկություններ չկան։
